దేశ వ్యాప్తంగా ఐదు అసెంబ్లీ నియోజకవర్గాల్లో జరిగిన ఉప ఎన్నికల ఫలితాలు అధికార పార్టీ (Gujarat) భారతీయ జనతా పార్టీకి (బీజేపీ) నిరాశను మిగిల్చాయి. ఇప్పటి వరకు లభిస్తున్న ట్రెండ్స్ చూస్తుంటే బీజేపీకి గట్టి షాక్ తగిలినట్టే కనిపిస్తోంది. (Gujarat) ఐదు నియోజకవర్గాల్లో కేవలం ఒక్కటిలోనే బీజేపీ ఆధిక్యంలో ఉండగా, మిగతా స్థానాల్లో ‘ఆమ్ ఆద్మీ పార్టీ’ (ఆప్), కాంగ్రెస్ మరియు తృణమూల్ కాంగ్రెస్ (టీఎంసీ) పార్టీలు ఆధిపత్యం ప్రదర్శిస్తున్నాయి.
ఆప్ పార్టీ విజయబాటలో:
పంజాబ్లోని లుథియానా (వెస్ట్) నియోజకవర్గంలో ఆప్ అభ్యర్థి సంజీవ్ అరోరా, అలాగే గుజరాత్లోని విశ్వదర్ నియోజకవర్గంలో గోపాల్ ఇటాలియా ఆధిక్యంలో ఉన్నారు. ఈ రెండు చోట్లా ఆప్ అభ్యర్థులు గణనీయమైన ఓట్లతో ముందంజలో ఉండటం, ఆ పార్టీకి ఉప ఎన్నికల ఫలితాల్లో కీలక విజయాలను చూపిస్తోంది.
టీఎంసీ మెరుపు ప్రదర్శన:
కాలికంజ్ నియోజకవర్గంలో టీఎంసీ పార్టీ అభ్యర్థి 27 వేలకు పైగా ఓట్ల ఆధిక్యంలో ఉన్నారు. ఇది తృణమూల్ పార్టీకి ఎంతో ప్రోత్సాహకరమైన పరిణామం. ఇది మమతా బెనర్జీ నాయకత్వంలోని పార్టీకి ఇతర రాష్ట్రాల్లో తమ ఆధిపత్యాన్ని పెంచుకునేందుకు దారితీసే అవకాశం కలిగిస్తోంది.
కాంగ్రెస్ ఉత్సాహం:
కేరళ రాష్ట్రానికి చెందిన నీలాంబర్ నియోజకవర్గంలో కాంగ్రెస్ పార్టీ అభ్యర్థి ఆర్యదన్ షౌకత్ 19 రౌండ్ల కౌంటింగ్ తర్వాత 10 వేల ఓట్లకు పైగా ఆధిక్యంలో ఉన్నారు. ఇది కాంగ్రెస్ పార్టీకి కొంత ఊరటను ఇచ్చే అంశంగా చెబుతున్నారు విశ్లేషకులు.
బీజేపీకి ఒక్కటే మెరుపు:
కాడి నియోజకవర్గంలో మాత్రం బీజేపీ అభ్యర్థి రాజేంద్ర కుమార్ భారీ ఓట్లతో ఆధిక్యంలో ఉన్నారు. 17 రౌండ్ల తర్వాత కూడా ఆయన ఆధిక్యం కొనసాగుతోంది. అయితే ఇది మాత్రమే బీజేపీకి ఉన్న ఒకే ఒక విజయ సూచనగా మిగిలింది. మిగిలిన అన్ని నియోజకవర్గాల్లో పోటీ పార్టీలు ముందంజలో ఉండటం ఆ పార్టీకి ఆందోళన కలిగించే అంశంగా మారింది.
ఈ ఉప ఎన్నికల ఫలితాలు బీజేపీకి వచ్చే లోకసభ ఎన్నికల ముందు ప్రజాభిప్రాయాన్ని సూచిస్తున్నాయా? అనేది ఇప్పుడు చర్చనీయాంశంగా మారింది. ముఖ్యంగా గుజరాత్లో ఆప్ అభ్యర్థి గోపాల్ ఇటాలియా ఆధిక్యంలో ఉండటం గమనార్హం, ఇది బీజేపీ గడ్డపై ఆప్ తన స్థిరతను ఏర్పరచుకుంటున్న సంకేతంగా చెబుతున్నారు రాజకీయ విశ్లేషకులు.
Also read: