పవర్స్టార్ పవన్ కల్యాణ్ నటిస్తున్న భారీ చిత్రం ‘ఉస్తాద్ భగత్ సింగ్’ (Ustaad bhagat) షూటింగ్ ప్రస్తుతం శరవేగంగా జరుగుతోంది. హరీష్ శంకర్ దర్శకత్వంలో రూపొందుతున్న ఈ చిత్రం పలు కారణాలతో వాయిదా పడిన తరువాత తాజాగా తిరిగి పటిష్టంగా చిత్రీకరణ ప్రారంభమైంది. తాజా షెడ్యూల్లో పవన్ కల్యాణ్పై కీలక సన్నివేశాలను చిత్రీకరిస్తున్నారు.
ఈ నేపథ్యంలో చిత్ర బృందానికి సెట్లో ఓ అద్భుత సర్ప్రైజ్ కలిగించింది. మెగాస్టార్ చిరంజీవి ఈ రోజు సెట్లోకి అతిథిగా విచ్చేసారు. చిత్రీకరణను దగ్గరుండి వీక్షించిన చిరు, తమ్ముడు పవన్ కల్యాణ్ నటిస్తున్న సన్నివేశాన్ని ఆసక్తిగా తిలకించారు. ఈ సమయంలో తీసిన ఓ ఫొటో ప్రస్తుతం సోషల్ మీడియాలో వైరల్ అవుతోంది.
ఫొటోలో చిరంజీవి ఎంతో గంభీరంగా షాట్ను వీక్షిస్తుండగా, పవన్ కల్యాణ్ ఆయన పక్కన ఉన్నారు. ఈ దృశ్యం చూసి మెగా అభిమానులు ఉత్సాహంతో ‘మెగా బ్రదర్స్ రీ-యూనియన్’, ‘పవర్ ఫుల్ మెగా మోమెంట్’ అంటూ కామెంట్లు చేస్తున్నారు. ఇక సినిమా షూటింగ్కు సంబంధించిన పూర్తి అప్డేట్స్ వెంటనే ఇవ్వాలని కోరుతూ సోషల్ మీడియా వేదికగా హ్యాష్టాగ్స్ ట్రెండింగ్ చేస్తున్నారు. (Ustaad bhagat)
ఉస్తాద్ భగత్ సింగ్ చిత్రం మీద భారీ అంచనాలు నెలకొన్నాయి. పవన్ కళ్యాణ్ గతంలో హరీష్ శంకర్ దర్శకత్వంలో చేసిన ‘గబ్బర్ సింగ్’ సినిమా బ్లాక్బస్టర్ హిట్ కావడంతో, ఈ కాంబోకు ఉన్న క్రేజ్ అంతా ఇంతా కాదు. మళ్లీ అదే మ్యాజిక్ను ఈ సినిమాలో చూడాలన్నది అభిమానుల ఆశ.
ఇక ఈ చిత్రం నిర్మాణ బాధ్యతలు మైత్రీ మూవీ మేకర్స్ చేపడుతున్నారు. పవన్ కల్యాణ్ స్టైల్, పవర్, మాస్ యాంగిల్కు తగినట్లు ఈ సినిమాను రూపొందిస్తున్నారని చిత్రబృందం చెబుతోంది. ఇటీవల విడుదలైన ప్రీ లుక్ పోస్టర్కు విపరీతమైన స్పందన లభించింది.
చిరు మరియు పవన్ కల్యాణ్ ఒకే ఫ్రేమ్లో కనిపించడం అభిమానులకు దివ్యానుభూతిని కలిగించింది. ఇక సినిమాలోని ఫస్ట్ సాంగ్, ట్రైలర్ కోసం అభిమానులు ఆసక్తిగా ఎదురు చూస్తున్నారు.
Also Read :