వరంగల్ (Warangal) నగరంలోని కాకతీయ జూ పార్క్ మరో ప్రధాన ఆకర్షణగా మారింది. తాజాగా ఒక తెల్లపులిని తీసుకొచ్చి సందర్శకులకు ప్రదర్శనకి అందుబాటులోకి తీసుకువచ్చారు. ఈ తెల్లపులి అందాన్ని చూసేందుకు వచ్చిన సందర్శకులు ఆనందాన్ని వ్యక్తం చేస్తూ సెల్ఫీలు తీసుకుంటూ కనిపించారు. తెల్లపులి అరుదైన జాతికి చెందడం వల్ల దీనిని చూడడం ఎంతో అరుదైన అవకాశం. (Warangal) జూ పార్క్లో ఇది ప్రత్యేక ఆకర్షణగా మారింది.
ఈ తెల్లపులిని ప్రత్యేకంగా నిర్మించిన ఎన్క్లోజర్లోకి వదిలే కార్యక్రమంలో రాష్ట్ర మంత్రి కొండా సురేఖ పాల్గొన్నారు. మంత్రి సురేఖ సందర్శకుల మద్ధతుతో జూ అభివృద్ధికి చర్యలు తీసుకుంటున్నట్టు తెలిపారు. ఈ సందర్భంగా ఆమె జూ ప్రాంగణంలో మొక్కలు నాటారు. పర్యావరణ పరిరక్షణకూ, జీవవైవిధ్య అభివృద్ధికీ తన వంతు సహకారం అందించారని పేర్కొన్నారు.
మంత్రి మాట్లాడుతూ, గతంలో వర్షాకాలంలో జూ పార్క్ మొత్తం బురదమయంగా మారేదని గుర్తుచేశారు. అయితే ఇప్పుడు కాలువలు, డ్రైనేజీ వ్యవస్థ ఏర్పాటు చేయడం వల్ల వర్షాకాలంలో కూడా సందర్శకులకు ఇబ్బందులు లేకుండా ఏర్పాట్లు చేస్తున్నామని తెలిపారు. ఇన్ఫ్రాస్ట్రక్చర్ విషయంలో మరిన్ని అభివృద్ధి చర్యలు చేపడతామన్నారు.
అలాగే, త్వరలోనే మరిన్ని జంతువులను వివిధ ప్రదేశాల నుండి తీసుకురావడానికి సన్నాహాలు జరుగుతున్నాయన్నారు. పిల్లలు, విద్యార్థులు మరియు పర్యాటకులు ఎక్కువగా వచ్చే ఈ పార్క్కి మరింతగా ఆకర్షణలు కలిపే ప్రయత్నాలు కొనసాగుతున్నాయని చెప్పారు. హైదరాబాద్ నెహ్రూ జూలాజికల్ పార్కు తర్వాత వరంగల్ జూ కూడా రాష్ట్రంలో రెండో పెద్ద జూ పార్క్గా ఎదగాలని ప్రభుత్వం లక్ష్యంగా పెట్టుకుందని వెల్లడించారు.
జూ పార్క్ అభివృద్ధిలో భాగంగా మౌలిక సదుపాయాలను మెరుగుపరిచే ప్రయత్నాలు జరుగుతున్నాయి. టికెట్ బుకింగ్ సౌలభ్యం, పార్కింగ్ స్థలాలు, క్లీన్ వాష్రూములు, ఆహార కేంద్రాలు వంటి వసతులపై దృష్టి సారించనున్నామని మంత్రి వివరించారు. పర్యాటకులను ఆకర్షించడంలో తెల్లపులి కీలకంగా మారుతుందని, దీనివల్ల జూ ఆదాయం కూడా పెరగనుందని ఆశాభావం వ్యక్తం చేశారు.
జూ పార్క్ సిబ్బందిని అభినందించిన మంత్రి, వారు చేస్తున్న కృషిని ప్రశంసించారు. జంతువుల సంరక్షణ, ఆరోగ్య పరిరక్షణ విషయంలో మరిన్ని చర్యలు తీసుకుంటామని తెలిపారు.
ఈ విధంగా వరంగల్ జూ పార్క్, కాకతీయుల సాంస్కృతిక చిహ్నాలతో పాటు ప్రకృతి ప్రేమికులకు, పిల్లలకు, పర్యాటకులకు ఒక అద్భుతమైన వినోద ప్రదేశంగా రూపుదిద్దుకుంటోంది.
Also read: