భద్రత విషయంలో అగ్రస్థానంలో ఉన్న ఆపిల్ (Apple) కంపెనీ తన ఉత్పత్తుల క్వాలిటీ విషయాన్ని చాలా సీరియస్ గా తీసుకుంటోంది. ఈ విషయాన్ని మరోసారి నిరూపించుకునేందుకు ఓపెన్ ఆఫర్ ప్రకటించింది. (Apple) ఐఫోన్, ఐ ప్యాడ్, మ్యాక్బుక్ ల్యాప్ టాప్స్ సహా తమ కంపెనీ తయారు చేసే అన్ని ఉత్పత్తులను హ్యాక్ చేయగలిగితే కోట్ల రూపాయలు బౌంటీ రివార్డ్స్ ఇస్తామని బహిరంగ ప్రకటన చేసింది.
ఈ కార్యక్రమం ద్వారా ఎథికల్ హ్యాకర్లు ఆపిల్ ఉత్పత్తులలో ఉన్న లోపాలను కనుగొని, తమకు నివేదించేందుకు అవకాశం కల్పిస్తుంది. ఈ లోపాలను కనుగొన్న వారికి ఆపిల్ భారీ నగదు బహుమతులను అందిస్తుంది. ఈ బహుమతులు కనీసం రూ. 4 లక్షల నుంచి 17.5 కోట్ల రూపాయల వరకు ఉంటాయి. ఐదు విభాగాలుగా బహుమతులను విభజించింది. విభాగాల ఆధారంగా బహుమతి మారుతుంది.
ఫిజికల్ యాక్సెస్
హ్యాకర్ ఐఫోన్ను ఫిజికల్గా పట్టుకొని దానిలోని లోపాలను ఉపయోగించుకోవాలి. ఉదాహరణకు, లాక్ స్క్రీన్ను బైపాస్ చేస్తే రూ. 83 లక్షలవరకు లభిస్తుంది. లాక్ చేయబడిన ఫోన్ నుంచి యూజర్ డేటాను తీసుకుంటే రూ. 2 కోట్లు బహుమతిగా ఇస్తామని తెలిపింది.
ఇన్స్టాల్ చేసిన యాప్ ద్వారా
యూజర్ ఇన్స్టాల్ చేసిన యాప్ల ద్వారా లోపాలను ఉపయోగించుకోవాలి. ఈ రకమైన హ్యాకింగ్కు రూ. 4 లక్షల నుంచి 1.25 కోట్ల వరకు బహుమతులు ఇవ్వనున్నట్టు తెలిపింది.
యూజర్ ఇంటరాక్షన్తో నెట్వర్క్ పై
యూజర్ ఇంటరాక్షన్ ద్వారా అనధికార యాక్సెస్ లేదా ప్రివిలేజ్ ఎలివేషన్ జరుగుతుంది. ఒక క్లిక్తో డేటా యాక్సెస్, అథెంటిసిటీ పొందితే రూ. 2,18,90,137 వరకు బహుమతి లభిస్తుంది.
యూజర్ ఇంటరాక్షన్ లేని నెట్వర్క్
యూజర్ ఇంటరాక్షన్ లేని నెట్వర్క్ దాడులను “జీరో-క్లిక్” అటాక్స్ గా పిలుస్తారు. ఉదాహరణకు, ఆపిల్ యొక్క కెర్నల్ పీఏసీ ప్రొటెక్షన్ను బైపాస్ చేస్తే 8.3 కోట్ల రూపాయల బహుమతి పొందవచ్చు.
ప్రైవేట్ క్లౌడ్ కంప్యూట్ డేటాపై
ఆపిల్ యొక్క ప్రైవేట్ క్లౌడ్లో డేటాను టార్గెట్ చేస్తే సుమారు ₹1.25 కోట్లు లభిస్తుంది. రిమోట్గా దాడి చేసి లాక్డౌన్ మోడ్ను బైపాస్ చేస్తే ₹17.5 కోట్లు బహుమతి పొందవచ్చు.
Also read: