RS Praveen Kumar: కాళేశ్వరం ప్రాజెక్టును పేల్చేసే కుట్ర

తెలంగాణ రాజకీయాల్లో మరోసారి కాళేశ్వరం ప్రాజెక్టు వివాదం తెరపైకి వచ్చింది. బీఆర్ఎస్ సీనియర్ నేత ఆర్‌.ఎస్. (RS Praveen Kumar) ప్రవీణ్ కుమార్ సంచలన ఆరోపణలు చేశారు. కాళేశ్వరం లో భాగమైన మేడిగడ్డ బ్యారేజీ కుంగిపోవడంలో కాంగ్రెస్, బీజేపీ కీలక పాత్ర వహించాయని (RS Praveen Kumar) మీడియా సమావేశంలో అన్నారు. తెలంగాణ భవన్‌లో మీడియాతో మాట్లాడుతూ ఈ అంశంపై పలు ప్రశ్నలు లేవనెత్తారు.

ఆర్‌.ఎస్. ప్రవీణ్ కుమార్ ప్రకారం, 2023 అక్టోబర్ 21న సాయంత్రం 6:20 గంటలకు మేడిగడ్డ పిల్లర్ల వద్ద భారీ శబ్దాలు వినిపించాయని, దీనిపై ఏఈ రవికాంత్ మహదేవ్‌పూర్ పోలీస్ స్టేషన్‌లో ఫిర్యాదు చేశారని తెలిపారు. అయితే ఇప్పటి వరకు ఆ ఎఫ్ఐఆర్‌పై ఎటువంటి చర్యలు తీసుకోలేదని ఆయన ఆవేదన వ్యక్తం చేశారు. 2022లో రికార్డు స్థాయి వరదలు వచ్చినప్పటికీ మేడిగడ్డ, అన్నారం, సుందిళ్ల బ్యారేజీలు సురక్షితంగా నిలిచాయని, కానీ మేడిగడ్డలో ఒక్క పిల్లర్ మాత్రమే ఎందుకు కుంగిపోయిందని ఆయన ప్రశ్నించారు.

అలాగే కేంద్ర హోంమంత్రి కిషన్ రెడ్డి లేఖ రాసిన వెంటనే ఎన్‌డీఎస్ఏ విచారణకు రావడాన్ని అనుమానాస్పదంగా పేర్కొన్నారు. మేడిగడ్డ వద్ద చిన్న స్థాయిలో భూకంపం జరిగిందా లేదా అనే విషయాన్ని కూడా స్పష్టత ఇవ్వాల్సిన అవసరం ఉందని ఆయన అన్నారు. అంతేకాకుండా, రేవంత్ రెడ్డి, బండి సంజయ్, కిషన్ రెడ్డి లాంటి నేతల మొబైల్ డేటా పరిశీలిస్తే నిజమైన కుట్ర బయటపడుతుందని ఆరోపించారు.

ప్రవీణ్ కుమార్ ప్రకారం, మేడిగడ్డ ప్రాజెక్టుపై ‘పేలుళ్ల కోణం’లో విచారణ జరగలేదని ఇది పెద్ద ప్రశ్నగా నిలుస్తుందని వ్యాఖ్యానించారు. తక్షణమే నిపుణులతో కూడిన ప్రత్యేక దర్యాప్తు బృందాన్ని నియమించి, మేడిగడ్డలో జరిగిన సంఘటనపై పూర్తి స్థాయి విచారణ జరపాలని ఆయన డిమాండ్ చేశారు.

ఈ ఆరోపణలతో తెలంగాణ రాజకీయాల్లో మళ్లీ ఉత్కంఠ వాతావరణం నెలకొంది. మేడిగడ్డ ప్రాజెక్టు, కాళేశ్వరం నిర్మాణం మీద గతంలోనూ పలుమార్లు ఆరోపణలు వినిపించాయి. కానీ ఈసారి ప్రత్యక్షంగా ‘పేల్చివేసే కుట్ర’ జరిగిందని చెప్పడం రాష్ట్ర రాజకీయాల్లో కొత్త చర్చకు దారితీస్తోంది.

తెలంగాణ రైతులకు, ప్రజలకు ప్రాణాధారం లాంటి కాళేశ్వరం ప్రాజెక్టు భవిష్యత్తు ఇప్పుడు మళ్లీ ప్రశ్నార్థకంగా మారింది. ప్రవీణ్ కుమార్ ఆరోపణల నేపథ్యంలో, కాంగ్రెస్స్, బీజేపీ నేతల నుండి ఎలాంటి ప్రతిస్పందన వస్తుందో, అలాగే ఈ కేసులో న్యాయపరమైన చర్యలు తీసుకుంటారా అన్నది ఆసక్తికర అంశంగా మారింది.

కాళేశ్వరం ప్రాజెక్టు నిర్మాణానికి వేల కోట్ల రూపాయలు ఖర్చయిన నేపథ్యంలో, మేడిగడ్డలో జరిగిన ఈ పరిణామం కేవలం ఇంజనీరింగ్ లోపమా, లేక నిజంగానే కుట్ర పూరిత చర్యల ఫలితమా అన్నది త్వరలో తేలాల్సిన విషయం. ఈ కేసు రాజకీయ మలుపు తిరిగే అవకాశం ఉన్నదని రాజకీయ విశ్లేషకులు చెబుతున్నారు.