దేశ రాజకీయం మరోసారి ఉత్కంఠభరిత మలుపు తిసుకుంది. ఎన్నికల కమిషనర్లు (EC) ఓట్ల దొంగలుగా వ్యవహరిస్తున్నారని ఆరోపిస్తూ విపక్షాలు పార్లమెంట్ ఆవరణలో నిరసన ప్రదర్శన చేపట్టాయి. ప్లకార్డులు ఎత్తి పట్టుకుని, నినాదాలు చేస్తూ కేంద్ర ప్రభుత్వానికి, ఎన్నికల కమిషన్కు (EC) వ్యతిరేకంగా విపక్ష ఎంపీలు ఆగ్రహం వ్యక్తం చేశారు.
విపక్ష నేతల హాజరు
ఈ నిరసనలో రాజ్యసభ ప్రతిపక్ష నేత మల్లికార్జున ఖర్గే, సమాజ్వాదీ పార్టీ అధినేత అఖిలేష్ యాదవ్, కాంగ్రెస్ నాయకురాలు ప్రియాంక గాంధీ సహా పలు విపక్షాల ఎంపీలు పాల్గొన్నారు. పార్లమెంట్ ప్రాంగణంలో ఒకవైపు నిరసన కొనసాగుతుండగా, లోపల సభా కార్యకలాపాలు వాయిదాలకు గురయ్యాయి.
ఎస్ఐఆర్ పై వివాదం
విపక్షాలు బీహార్లో చేపట్టిన ఎస్ఐఆర్ (Special Investigation Report) ను తీవ్రంగా వ్యతిరేకిస్తున్నాయి. దీన్ని వెంటనే వెనక్కి తీసుకోవాలని వారు పట్టుబడుతున్నారు. ఈ విషయంపై ఇవాళ కూడా చర్చ జరగాలని విపక్షాలు డిమాండ్ చేశాయి. కానీ ప్రభుత్వం వెనక్కి తగ్గకపోవడంతో సభలో వాయిదాల పర్వం కొనసాగింది.
మోదీపై విపక్షాల నినాదాలు
ఆందోళనలో పాల్గొన్న విపక్ష ఎంపీలు –
-
“మోదీ ఓటు చోరీకి పాల్పడుతున్నారు”
-
“ఎన్నికల కమిషన్ ప్రజాస్వామ్యాన్ని అవమానపరుస్తోంది”
అని ఘాటుగా నినాదాలు చేశారు.
రాజీనామా డిమాండ్
కేంద్ర ఎన్నికల సంఘం ప్రధాన కమిషనర్ రాజీనామా చేయాలని విపక్ష ఎంపీలు డిమాండ్ చేశారు. ఈ డిమాండ్లతో నిరసన మరింత ఉధృతమైంది. కొంతసేపు పార్లమెంట్ ఆవరణలో ఉద్రిక్త పరిస్థితి నెలకొంది.
ప్రస్తుత పరిణామాలు చూస్తే రాబోయే రోజుల్లో పార్లమెంట్ వేదికగా ఇంకా రాజకీయ ఉద్రిక్తతలు కొనసాగనున్నాయని విశ్లేషకులు భావిస్తున్నారు.
Also read: