Mahesh Kumar Goud: రిజర్వేషన్లు తేలాకే స్థానిక సంస్థల ఎన్నికలు

స్థానిక సంస్థల ఎన్నికలు బీసీ రిజర్వేషన్ల అంశం తేలాకే జరుగుతాయని తెలంగాణ పీసీసీ చీఫ్ (Mahesh Kumar Goud) మహేశ్ కుమార్ గౌడ్ స్పష్టంచేశారు. హైదరాబాద్‌లో మీడియాతో మాట్లాడుతూ, రిజర్వేషన్ల విషయంలో కాంగ్రెస్ పార్టీ స్పష్టమైన వైఖరితో ముందుకు వెళ్తుందని తెలిపారు. ఈ సందర్భంలో (Mahesh Kumar Goud) ముఖ్యమైన విషయాలను ప్రస్తావించారు.

మహేశ్ గౌడ్ మాట్లాడుతూ, కాంగ్రెస్ పార్టీ త్వరలో గ్రామ, మండల, జిల్లా స్థాయి కమిటీలను ప్రకటించబోతుందని చెప్పారు. 10 రోజుల్లోపే అన్ని కమిటీల ప్రకటన పూర్తవుతుందని తెలిపారు. బీసీ రిజర్వేషన్లపై అసెంబ్లీలో తీర్మానం ఆమోదించాలని గవర్నర్‌ను కోరామని, గవర్నర్ సానుకూలంగా స్పందించారని పేర్కొన్నారు.

హరీశ్ రావు, సీఎం ఒకే ఫ్లయిట్‌లో ప్రయాణిస్తే దానికి వేరే అర్థం కట్టవద్దని, తాను కూడా కవితతో అనేకసార్లు ఫ్లయిట్‌లో ప్రయాణించానని చెప్పారు. “అంత మాత్రాన ములాఖత్ అని అనుకోవడం తప్పు” అని వ్యాఖ్యానించారు. కవిత కాంగ్రెస్ పార్టీలో చేరతారని తాను నమ్మడం లేదని, ఆమెను తీసుకోవాల్సిన అవసరం లేదని స్పష్టం చేశారు.

కాళేశ్వరం ప్రాజెక్టులో అవినీతి జరిగిందని కవితే ఒప్పుకున్నారని గుర్తు చేశారు. నేరెళ్ల దళితుల హింస ఘటనలో ఏఐసీసీ చీఫ్ పరామర్శకు వెళ్ళినప్పుడు అడ్డుకున్నారని పేర్కొన్నారు. ఆ రోజే కవిత ఈ విషయాన్ని అంగీకరించి ఉంటే సెల్యూట్ చేసేవారమని వ్యాఖ్యానించారు.

కాళేశ్వరం అవినీతి కేసును రాష్ట్ర ప్రభుత్వం సీబీఐకి అప్పగించిందని, అందుకు కారణం కక్షపూరిత ఆరోపణలు తలెత్తకుండా ఉండడమేనని తెలిపారు. పేదలకు ఇందిరమ్మ ఇండ్లు ఇస్తున్నామని, వాటిలో కార్యకర్తలు జోక్యం చేసుకుంటే తప్పనిసరిగా చర్యలు తీసుకుంటామని హెచ్చరించారు.

దేశవ్యాప్తంగా యూరియా కొరత ఉందని, కానీ కేంద్ర ప్రభుత్వం సరఫరా చేయకుండా తప్పుడు ప్రచారం చేస్తోందని ఆరోపించారు. మునుగోడు ఎమ్మెల్యే రాజగోపాల్ రెడ్డి విషయంలో కొంత కన్ఫ్యూజన్ ఉందని అంగీకరించారు. ఈ విషయాన్ని ఏఐసీసీ పరిశీలిస్తోందని చెప్పారు.

కోమటిరెడ్డి బ్రదర్స్ ముక్కుసూటిగా మాట్లాడతారని, మంత్రి పదవుల విషయంలో జిల్లాల వారీగా కాకుండా రాష్ట్రాన్ని యూనిట్‌గా పరిగణించి నిర్ణయాలు తీసుకుంటామని మహేశ్ గౌడ్ స్పష్టం చేశారు.

ఈ వ్యాఖ్యలతో బీసీ రిజర్వేషన్లు, స్థానిక సంస్థల ఎన్నికలు, కాంగ్రెస్ వ్యూహంపై కొత్త చర్చ మొదలైంది. మహేశ్ గౌడ్ చేసిన వ్యాఖ్యలు రాష్ట్ర రాజకీయాలకు కొత్త దిశ చూపుతున్నాయి.