బంగ్లాదేశ్ (Bangladesh) రాజకీయాలను కుదిపేసిన సంఘటన చోటుచేసుకుంది. బంగ్లాదేశ్‌లోని ఇంటర్నేషనల్ క్రైమ్ ట్రిబ్యునల్ (ఐసీటీ) సంచలన తీర్పు వెలువరించింది. దేశ మాజీ ప్రధానమంత్రి షేక్ హసీనాకు కోర్టు ఉరిశిక్ష విధించింది. ఈ తీర్పుతో (Bangladesh) బంగ్లాదేశ్ అంతటా ఉద్రిక్తత పెరిగింది.
గత ఏడాది జూలై, ఆగస్టు నెలల్లో తీవ్రమైన అల్లర్లు జరిగాయి. ఈ అల్లర్లు దేశాన్ని పూర్తిగా కుదిపేశాయి. ఆ సమయంలో జరిగిన హింసలో 1,400 మందికి పైగా ప్రాణాలు కోల్పోయారు. ఈ మరణాలకు షేక్ హసీనానే ప్రత్యక్ష కారణమని కోర్టు పేర్కొంది. ఆమెతో పాటు మరి ఇద్దరిపై కూడా క్రిమినల్ కేసులు నమోదు అయ్యాయి.
దీర్ఘకాలం విచారణ జరిగిన తర్వాత కోర్టు ఆమెను దోషిగా తేల్చింది. తాజాగా ఇచ్చిన తీర్పులో హసీనాకు ఉరిశిక్షను ఖరారు చేసింది. ఇది దేశంలోనే కాదు ప్రపంచవ్యాప్తంగా చర్చనీయాంశమైంది. ఈ కేసులో మాజీ హోంమంత్రి అసదుజ్జమాన్ ఖాన్ కూడా అదే విధమైన నేరాలకు దోషిగా నిర్ధారితమయ్యారు.
అతనికి కూడా కోర్టు ఉరిశిక్షే విధించింది. పోలీసు మాజీ చీఫ్ చౌధురీ అబ్దుల్లా అల్–మామున్‌కు ఐదు సంవత్సరాల కారాగార శిక్ష విధించారు. అన్ని ఆధారాలు పరిశీలించిన తర్వాతే ఈ తీర్పు ఇచ్చినట్లు న్యాయమూర్తులు స్పష్టం చేశారు.
తీర్పు చదివిన సమయంలో మరో న్యాయమూర్తి కీలక అంశాలు వెలుగులో పెట్టారు. ఆగస్టు 5న ఢాకాలో జరుగుతున్న నిరసనలపై ఆర్మీ కాల్పులు జరపాలని హసీనా ఆదేశించారని వెల్లడించారు. అంతేకాదు, హెలికాప్టర్లు ఉపయోగించి నిరసనకారులను దాడి చేయాలని కూడా ఆదేశించారని నివేదికలో చెప్పారు. ప్రాణాంతక ఆయుధాలను ఉపయోగించేందుకు ఆమె అనుమతినిచ్చినట్లు దర్యాప్తు వివరాలు వెల్లడించాయి.
గాయపడిన వారికి వైద్య చికిత్స అందించకుండా అడ్డుకున్నారని కూడా పేర్కొన్నారు. తాను అధికారంలో కొనసాగేందుకు హింసను ఆయుధంగా ఉపయోగించుకున్నారని న్యాయస్థానం వ్యాఖ్యానించింది.
కోర్టు తీర్పు ఆలస్యమైనందుకు క్షమించాల్సిందిగా తీర్పు చదువుతున్న సమయంలో న్యాయమూర్తి తెలిపారు.
ఈ వ్యాఖ్య కూడా బంగ్లాదేశ్ ప్రజల దృష్టిని ఆకర్షించింది.
ఇక ఈ తీర్పు వెలువడిన వెంటనే ఢాకాలో ఉద్రిక్తత మరింత పెరిగింది. భద్రతా బలగాలు నగరమంతా అప్రమత్తంగా మోహరించాయి. ఢాకా నగరంలో హై అలర్ట్ ప్రకటించారు. ఎటువంటి హింస చాటువిదులకుండా పోలీసు అధికారులు కఠిన చర్యలు చేపట్టారు.
ఢాకా పోలీస్ చీఫ్ షేక్ మహమ్మద్ సజ్జాద్ అలీ ప్రత్యేక ఆదేశాలు ఇచ్చారు.
వాహనాలు తగలబెట్టే ప్రయత్నం చేసినా, బాంబులు విసిరినా వెంటనే కాల్పులు జరిపేలా పోలీసులు సిద్ధంగా ఉండాలని ఆదేశించారు. ఇది పరిస్థితి ఎంత ఉద్రిక్తంగా ఉందో తెలియజేస్తోంది.
మరోవైపు షేక్ హసీనా ప్రస్తుతం భారత్‌లో తలదాచుకుంటున్నట్లు సమాచారం.
ఆమెను బంగ్లాదేశ్‌కు అప్పగించాలా వద్దా అన్న విషయంలో భారత్ ఇంకా అధికారికంగా స్పందించలేదు.
ఈ తీర్పుతో బంగ్లాదేశ్ రాజకీయాల్లో వచ్చే రోజులు మరింత కల్లోలం సృష్టించే అవకాశం కనిపిస్తోంది.
Also read: