అమెరికా మాజీ అధ్యక్షుడు (Donald Trump) డొనాల్డ్ ట్రంప్ మరోసారి అంతర్జాతీయ వార్తల్లో నిలిచారు. ఈసారి ఆయనకు ఫిఫా శాంతి బహుమతి లభించడం ప్రత్యేకంగా నిలిచింది. నోబెల్ శాంతి బహుమతి కోసం ఆశపడి, పలుమార్లు నామినేషన్ పొందినా, అవార్డు అందుకోలేక నిరాశ చెందిన (Donald Trump) ట్రంప్కు ఇప్పుడు ఫిఫా పీస్ ప్రైజ్ రూపంలో అంతర్జాతీయ గుర్తింపు దక్కింది. ఫిఫా తొలి శాంతి బహుమతిని ట్రంప్కి ప్రకటించినట్లు ఫిఫా అధ్యక్షుడు గియాని ఇన్ఫాంటినో వెల్లడించారు.
ట్రంప్ ప్రపంచవ్యాప్తంగా నెలకొన్న కొన్ని ప్రధాన సంక్షోభాలను పరిష్కరించడంలో కీలక పాత్ర పోషించారని ఇన్ఫాంటినో వ్యాఖ్యానించారు. అందుకే ఈ ప్రతిష్ఠాత్మకమైన అవార్డును ఆయనకు అందజేస్తున్నామన్నారు. 2026 ఫిఫా వరల్డ్ కప్ నిర్వహణకు సంబంధించిన డ్రా కార్యక్రమం వాషింగ్టన్ డీసీలోని ప్రసిద్ధ కెన్నడీ సెంటర్లో ఘనంగా జరిగింది. ఈ కార్యక్రమంలో ఫిఫా అధికారులతో కలిసి డొనాల్డ్ ట్రంప్ కూడా పాల్గొన్నారు. అనంతరం ఈ శాంతి అవార్డును ఆయనకు అధికారికంగా అందజేశారు.
ట్రంప్ బంగారు పతకాన్ని స్వీకరిస్తూ స్పష్టంగా భావోద్వేగానికి గురయ్యారు. ‘‘నా జీవితంలో నాకు లభించిన గౌరవాల్లో ఇది అత్యంత గొప్పది’’ అని అన్నారు. శాంతి కోసం చేసిన తన దౌత్యపరమైన ప్రయత్నాలు ఎప్పుడూ అవార్డుల కోసమే కాదని, మానవత్వం కోసం చేశానని ట్రంప్ పేర్కొన్నారు.
కాంగో ప్రాంతంలో జరిగిన ఘోర సంఘర్షణలను గుర్తుచేస్తూ మాట్లాడిన ట్రంప్, కాంగో-రువాండా మధ్య రగులుతున్న హింస కారణంగా కోటి మందికి పైగా ప్రజలు మరణించారని చెప్పారు. మరో కోటి మంది మరణ అంచుల్లోకి నెట్టబడ్డారని చెప్పారు. అక్కడ శాంతి ప్రక్రియ జరిగేందుకు తన ప్రభుత్వం కీలక చర్యలు తీసుకుందని, ఆ ఒప్పందం మిలియన్ల మంది ప్రాణాలను కాపాడిందని పేర్కొన్నారు. ఇది తనకు వ్యక్తిగతంగా ఎంతో గర్వకారణమని వివరించారు.
దీనితో పాటు భారత్-పాకిస్తాన్ మధ్య అప్పటి ఘర్షణాత్మక పరిస్థితులను కూడా ట్రంప్ గుర్తుచేశారు. రెండు అణుశక్తి దేశాల మధ్య ఉద్రిక్తతలు ప్రమాదకర స్థాయికి చేరుకున్న సమయంలో, యుద్ధం చెలరేగకుండా నిలిపిందామని చెప్పారు. తమ ప్రభుత్వం అప్పట్లో తీసుకున్న నిర్ణయాలు ఎంతో కీలకమని పేర్కొన్నారు.
‘‘నా చర్యలతో అనేక దేశాల మధ్య యుద్ధాలు ఆగిపోయాయి. ఇంకా కొన్నిచోట్ల యుద్ధం ప్రారంభం కాకముందే ముగిసింది’’ అని ట్రంప్ స్పష్టం చేశారు. తాను అధ్యక్షుడిగా ఉన్న సమయంలో తీసుకున్న నిర్ణయాలు ప్రపంచ శాంతి కోసం సేవ చేశాయని ఆయన అభిప్రాయపడ్డారు.
ఫిఫా ఈ అవార్డును ట్రంప్కు అందించడం రాజకీయ వర్గాల్లో, అంతర్జాతీయ వేదికల్లో విశేష చర్చకు దారితీసింది. క్రీడా సంస్థ అయిన ఫిఫా, రాజకీయ నాయకుడికి శాంతి బహుమతి ఇవ్వడం అరుదైన విషయం. కాంగో, మధ్యప్రాచ్యం, దక్షిణాసియాలో శాంతి ప్రక్రియల్లో ట్రంప్ చేసిన పాత్రను గుర్తించడానికి ఈ అవార్డు ఇచ్చినట్లు భావిస్తున్నారు.
Also read: