బాలీవుడ్ నటి కృతి సనన్ సోదరి (Nupur Sanon) నుపుర్ సనన్ పెళ్లి వేడుకలు ఆనందం, ఆర్భాటం, సెలబ్రిటీ హంగులతో సాగాల్సిన సమయంలో అనూహ్యంగా ఒక ఫ్యాషన్ వివాదం సోషల్ మీడియాలో పెద్ద చర్చకు దారి తీసింది. ఉదయ్పూర్లో అంగరంగ వైభవంగా జరిగిన (Nupur Sanon) నుపుర్ సనన్ – స్టెబిన్ బెన్ వివాహానికి సంబంధించిన ఫొటోలు బయటకు వచ్చిన వెంటనే, వేడుకల కంటే కూడా “సేమ్ ఔట్ఫిట్” అంశమే నెటిజన్ల దృష్టిని ఆకర్షించింది.
వధువు నుపుర్ సనన్ ధరించిన ప్రత్యేకమైన పెళ్లి ఔట్ఫిట్కు అత్యంత దగ్గరగా వరుడి చెల్లెలు స్టెబీ బెన్ కూడా అదే తరహా డిజైన్, కలర్ టోన్తో డ్రెస్సు ధరించడంతో సోషల్ మీడియాలో విమర్శల వర్షం మొదలైంది.పెళ్లి అనేది వధువుకు జీవితంలో అత్యంత ప్రత్యేకమైన సందర్భమని, ఆ రోజు ఆమె డ్రెస్సింగ్ ప్రత్యేకంగా ఉండాలనే భావన చాలా మందిలో ఉంటుంది.
అలాంటి సందర్భంలో వధువుతో సేమ్ స్టైల్ ఔట్ఫిట్ వేసుకోవడం ఎంతవరకు సరైనదనే ప్రశ్నలు నెటిజన్లు లేవనెత్తారు. “బ్రైడల్ మూమెంట్ను షేర్ చేసుకోవడం కాదు, దాన్ని డామినేట్ చేయడమే ఇది” అంటూ కొందరు ఘాటైన వ్యాఖ్యలు చేయగా, మరికొందరు ఇది అసూయకు నిదర్శనమని ట్రోల్స్ చేశారు. కొంతమంది అయితే అక్కచెల్లెలి బంధం, కుటుంబ సంబంధాల వరకు ఈ అంశాన్ని లాగుతూ విమర్శలు చేయడం మరింత దుమారం రేపింది.
ఇలాంటి సందర్భాల్లో ఫ్యాషన్ ఎంపికలు ఎంత సున్నితమైనవో ఈ ఘటన మరోసారి గుర్తు చేసింది. ఒకవైపు పెళ్లి వేడుకలో అందరూ అందంగా కనిపించాలనే సహజమైన కోరిక ఉండగా, మరోవైపు వధువు ప్రాధాన్యతను తగ్గించకుండా ఉండాల్సిన బాధ్యత కూడా ఉంటుందనే అభిప్రాయం సోషల్ మీడియాలో బలంగా వినిపిస్తోంది. ముఖ్యంగా సెలబ్రిటీ కుటుంబాలకు సంబంధించిన వేడుకలు కావడంతో, ప్రతి చిన్న విషయం కూడా పెద్ద చర్చగా మారడం సహజమైంది.
ఈ వివాదంలో నుపుర్ సనన్ గానీ, స్టెబీ బెన్ గానీ అధికారికంగా స్పందించకపోయినా, నెటిజన్ల తీర్పు మాత్రం చాలా వేగంగా వెలువడింది.అయితే, పెళ్లి వేడుకల తర్వాత ముంబైలో నిర్వహించిన రిసెప్షన్లో నుపుర్ సనన్ తన స్టైల్తో మరోసారి అందరి దృష్టిని ఆకర్షించారు.
ప్రముఖ ఫ్యాషన్ డిజైనర్ మణీష్ మల్హోత్రా డిజైన్ చేసిన మారూన్ కార్సెట్ గౌన్లో ఆమె ఎంతో గ్లామరస్గా మెరిశారు. ఈ రిసెప్షన్కు బాలీవుడ్ ప్రముఖులు పెద్ద సంఖ్యలో హాజరయ్యారు. ముఖ్యంగా సల్మాన్ ఖాన్ హాజరు కావడం ఈ కార్యక్రమానికి మరింత ప్రాధాన్యతను తీసుకొచ్చింది. రిసెప్షన్ ఫొటోలు వైరల్ అవుతూ, నుపుర్ ఫ్యాషన్ సెన్స్కు ప్రశంసలు దక్కాయి.
Also read: