బీహార్ (Bihar) రాజకీయాల్లో కీలక మార్పులకు దారితీసే నిర్ణయం తీసుకున్నట్లు రాష్ట్ర ముఖ్యమంత్రి Nitish Kumar ప్రకటించారు. రాష్ట్ర రాజకీయాల నుంచి కొంత వెనక్కి తగ్గి, రాజ్యసభకు వెళ్లాలని నిర్ణయించుకున్నట్టు ఆయన వెల్లడించారు. (Bihar) ఈ విషయాన్ని ఆయన స్వయంగా సోషల్ మీడియా వేదిక Twitter ద్వారా ప్రజలకు తెలియజేశారు. దాదాపు రెండు దశాబ్దాలుగా ప్రజలు తనపై ఉంచిన విశ్వాసం, మద్దతు కారణంగానే బీహార్ అభివృద్ధి సాధ్యమైందని ఆయన పేర్కొన్నారు. ప్రజల ఆశీస్సులు, సహకారంతోనే రాష్ట్రానికి సేవ చేసే అవకాశం లభించిందని ఆయన భావోద్వేగంగా తెలిపారు.
నితీశ్ కుమార్ తన రాజకీయ జీవితాన్ని గుర్తు చేసుకుంటూ, ప్రారంభం నుంచే శాసనసభతో పాటు పార్లమెంట్లోని రెండు సభల్లో సభ్యుడిగా ఉండాలని తనకు ఆకాంక్ష ఉండేదని తెలిపారు. ఇప్పుడు ఆ లక్ష్యాన్ని నెరవేర్చుకునే దిశగా రాజ్యసభ ఎన్నికల్లో పోటీ చేయాలని నిర్ణయించుకున్నట్లు వెల్లడించారు. భవిష్యత్తులో కూడా ప్రజలతో తన అనుబంధం అలాగే కొనసాగుతుందని, రాష్ట్ర అభివృద్ధి కోసం ఎప్పటికప్పుడు తన సహకారం ఉంటుందని ఆయన స్పష్టం చేశారు.
ఇక నితీశ్ కుమార్ ఈ ప్రకటనతో బీహార్ రాజకీయాల్లో కొత్త చర్చ మొదలైంది. ముఖ్యంగా ఆయన రాజ్యసభకు వెళితే రాష్ట్ర ముఖ్యమంత్రి పదవి ఎవరికి దక్కుతుందన్న అంశం హాట్ టాపిక్గా మారింది. ప్రస్తుతం ఎన్డీఏ కూటమిలో భాగమైన Janata Dal (United) పార్టీ ఈసారి ముఖ్యమంత్రి పదవిని Bharatiya Janata Partyకు అప్పగించే అవకాశముందని రాజకీయ వర్గాల్లో చర్చ జరుగుతోంది.
ఇదే సమయంలో బీహార్ హోం మంత్రిగా కొనసాగుతున్న Samrat Choudharyకు ముఖ్యమంత్రి బాధ్యతలు అప్పగించే అవకాశముందని ప్రచారం సాగుతోంది. అయితే ఈ మార్పుల వెనుక రాజకీయ వ్యూహం కూడా ఉందనే అభిప్రాయాలు వ్యక్తమవుతున్నాయి. ముఖ్యంగా తన కుమారుడు Nishant Kumar రాజకీయ భవిష్యత్తును దృష్టిలో పెట్టుకుని నితీశ్ కుమార్ ఈ నిర్ణయం తీసుకున్నారని విశ్లేషకులు భావిస్తున్నారు. రాజకీయ సమీకరణాల ప్రకారం సీఎం పదవిని బీజేపీకి అప్పగించేలా, దానికి ప్రతిఫలంగా నిశాంత్ కుమార్కు డిప్యూటీ సీఎం పదవి ఇవ్వాలనే ఒప్పందం జరిగిందనే సమాచారం కూడా వినిపిస్తోంది.
రాజ్యసభ ఎన్నికల ప్రక్రియ పూర్తయ్యాక, అంటే మార్చి 16 తర్వాత నితీశ్ కుమార్ ముఖ్యమంత్రి పదవికి రాజీనామా చేసే అవకాశం ఉందని జేడీయూ వర్గాలు సూచిస్తున్నాయి. ఇదిలా ఉండగా గత ఏడాది జరిగిన బీహార్ అసెంబ్లీ ఎన్నికల్లో ఎన్డీఏ కూటమి భారీ విజయం సాధించింది. మొత్తం 243 స్థానాలకు గాను కూటమి ఏకంగా 202 స్థానాలను గెలుచుకుని అధికారంలోకి వచ్చింది. ఇందులో బీజేపీకి 89 స్థానాలు దక్కగా, జేడీయూ 85 స్థానాలు గెలుచుకుంది. అదేవిధంగా Lok Janshakti Party (రాంవిలాస్) 19 స్థానాలను సాధించింది.
ఈ పరిణామాల నేపథ్యంలో బీహార్ రాజకీయాల్లో కొత్త మార్పులు చోటుచేసుకునే అవకాశాలు కనిపిస్తున్నాయి. నితీశ్ కుమార్ రాజ్యసభకు వెళ్లడం, సీఎం పదవి మార్పు వంటి అంశాలు రానున్న రోజుల్లో రాష్ట్ర రాజకీయాలను మరింత ఆసక్తికరంగా మార్చనున్నాయి.
Also read: