Secunderabad: ఉజ్జయినీ మహంకాళి బోనాల్లో ఘనంగా 'రంగం'

సికింద్రాబాద్‌ (Secunderabad) ఉజ్జయినీ మహంకాళి దేవాలయంలో బోనాల మహోత్సవాలు అత్యంత వైభవంగా కొనసాగుతున్నాయి. (Secunderabad) రెండో రోజు ఉత్సవాల్లో భాగంగా సోమవారం ‘రంగం’ అనే పవిత్ర కార్యక్రమాన్ని ఘనంగా నిర్వహించారు. ఈ కార్యక్రమంలో అమ్మవారు పూనిన మాతంగి స్వర్ణలత భక్తులకు భవిష్యవాణి వినిపించారు.

ఈ సందర్భంగా అమ్మవారికి బోనాలు సమర్పించిన భక్తుల నిబద్ధతను, ప్రేమను మాతంగి స్వర్ణలత కొనియాడారు. అర్చకులు అమ్మవారిని ప్రశ్నించారు – “ఈసారి బోనాలు సంతోషంగా అందుకున్నావా తల్లి?” అనే ప్రశ్నకు, “ప్రజలంతా డప్పు, చప్పుళ్లతో ఆనందంగా తనకు బోనాలు సమర్పించారు. ఒక్కో బోనాన్ని తాను సంతోషంగా స్వీకరించాను. నా బిడ్డలను కడుపులో పెట్టుకుని కాపాడుకుంటున్నా,” అని అమ్మవారి రూపంలో మాతంగి స్వర్ణలత స్పందించారు.

భవిష్యవాణిలో హెచ్చరికలు – శుభవార్తలు

ఈసారి భవిష్యవాణిలో మాతంగి స్వర్ణలత కీలక వ్యాఖ్యలు చేశారు. “రాష్ట్రాన్ని, దేశాన్ని కాపాడే భారం నాదే. రాబోయే రోజుల్లో కొన్ని సవాళ్లు ఎదురవుతాయి. మహమ్మారులు మళ్లీ ముప్పుగా మారవచ్చు. అలాగే అగ్నిప్రమాదాలు కూడా సంభవించే అవకాశముంది. అందరు జాగ్రత్తగా ఉండాలి” అంటూ భక్తులకు హెచ్చరికలు ఇచ్చారు.

అలాగే భవిష్యవాణిలో శుభవార్తలూ ఉన్నాయి. “ఈ ఏడాది వర్షాలు సమృద్ధిగా కురుస్తాయి. పంటలు బాగా పండుతాయి. పాడి పంటలకు మంచి కలసివస్తుంది” అని మాతంగి స్వర్ణలత ప్రకటించారు. భక్తులు ఆమె మాటలను శ్రద్ధగా వినిపించారు.

ఈ రంగం కార్యక్రమంలో రాష్ట్ర మంత్రి పొన్నం ప్రభాకర్ పాల్గొన్నారు. స్థానిక ప్రజలు, భక్తులు పెద్ద సంఖ్యలో హాజరై అమ్మవారిని దర్శించుకున్నారు. రంగం నిర్వహణతో ఉత్సవాలకు ప్రత్యేకత వచ్చింది. మాతంగి స్వర్ణలత చేసిన భవిష్యవాణి భక్తుల హృదయాలను తాకింది.

ఉజ్జయినీ మహంకాళి బోనాల ఉత్సవం తెలంగాణ సంస్కృతిలో ప్రత్యేక స్థానం కలిగి ఉంది. ప్రతి ఏటా వేలాది మంది భక్తులు ఇందులో పాల్గొంటారు. అమ్మవారిని దర్శించుకుని, బోనాలు సమర్పించి తన కుటుంబం, సమాజానికి క్షేమం కలగాలని కోరుకుంటారు.

నేను కన్నెర్రజేస్తే రక్తం కక్కుని చస్తారు

ప్రతి ఏడాది ఉత్సవానికి ఏదో ఒక ఆటంకం కల్పిస్తున్నారని.. తనను ఎవరూ లెక్కచేయడం లేదని అమ్మవారు ఆగ్రహం వ్యక్తం చేశారు. ప్రజలందరినీ తన కన్నబిడ్డల్లా చూసుకుంటూ కాపాడుకుంటున్నట్లు తెలిపింది. రాసుల కొద్దీ సంపదను తాను రప్పించుకుంటున్నా.. గోరంతైనా తనకు దక్కడం లేదని….సక్రమంగా పూజలు జరిపించాలి బాలకా అంటూ అమ్మవారు ఆగ్రహించింది. తాను కన్నెర్ర జేస్తే రక్తం కక్కుకుని చస్తారంటూ హెచ్చరించింది. ఏడాది ఒక్కసారి కాదు.. నిత్యం కొలిచే వారికే తన ఆశీస్సులు ఉంటాయని మాతంగి స్వర్ణలత భవిష్యవాణిలో వెల్లడించింది. అమ్మవారి ప్రశ్నలకు ఆలయ ప్రధానార్చకుడు సమాధానమిచ్చారు. ప్రత్యక్ష్యంగా, పరోక్షంగా తాము దగ్గరుండి పూజలు చేయిస్తున్నాను తల్లీ అని ఆలయ అర్చకుడు సమాధానంగా తెలిపారు. ఇక నుంచి ఎలాంటి లోటుపాట్లు, పొరపాట్లు జరగనివ్వమబోమని.. ఆనందించి తమను ఆశీర్వదించాలని అమ్మవారిని వేడుకున్నారు. దీంతో అమ్మవారు పూనిన మాతంగి స్వర్ణలత శాంతించారు. ఈ కార్యక్రమంలో మంత్రి పొన్నం ప్రభాకర్ ,రాజ్యసభ ఎంపీ అనిల్ కుమార్ యాదవ్, తదితరులు పాల్గొన్నారు.