టాలీవుడ్ అగ్ర నిర్మాణ సంస్థ మైత్రీ మూవీ మేకర్స్ తాజాగా లెజెండరీ మ్యూజిక్ డైరెక్టర్ ఇళయరాజా (Ilaiyaraaja) నుంచి లీగల్ నోటీసులు అందుకుంది. కోలీవుడ్ స్టార్ హీరో అజిత్ కుమార్ నటించిన తాజా చిత్రం ‘గుడ్ బ్యాడ్ అగ్లీ’ లో తన స్వరాల్లో చేసిన పాటలను ఆయన అనుమతి లేకుండా ఉపయోగించారని ఇళయరాజా (Ilaiyaraaja) ఆరోపించారు.
మూడు క్లాసిక్ పాటలు రీ-క్రియేట్?
ఈ చిత్రంలో, ఇళయరాజా గతంలో కంపోజ్ చేసిన మూడు పాటలను రీ-క్రియేట్ చేసి, నూతన సంగీతం లా వినిపించేలా మిక్స్ చేయడంపై అభ్యంతరం వ్యక్తం చేశారు. ఇది కాపీరైట్స్ ఉల్లంఘనగా పరిగణించబడుతుందని, తన అధికారాలపై దాడిగా చూస్తున్నారని తెలిపారు. అందుకు గాను రూ.5 కోట్లు నష్టపరిహారం డిమాండ్ చేస్తూ, పాటలను సినిమా నుండి తీయివేయాలని, అలాగే పబ్లిక్గా క్షమాపణ కోరాలని నోటీసులో పేర్కొన్నారు.
గుడ్ బ్యాడ్ అగ్లీ – రికార్డుల వర్షం
ఈ నెల ఏప్రిల్ 10న ప్రపంచవ్యాప్తంగా విడుదలైన ‘గుడ్ బ్యాడ్ అగ్లీ’ సినిమాకు బ్లాక్బస్టర్ హిట్ టాక్ వచ్చింది. ఈ యాక్షన్ ఎంటర్టైనర్ చిత్రానికి అధిక్ రవిచంద్రన్ దర్శకత్వం వహించారు. అజిత్, త్రిష, అర్జున్ దాస్, ప్రియా ప్రకాష్ వారియర్ కీలక పాత్రల్లో కనిపించారు. మైత్రీ మూవీ మేకర్స్ భారీగా బడ్జెట్ వెచ్చించి నిర్మించింది. ఓపెనింగ్ డే నుంచే బాక్సాఫీస్ వద్ద మంచి కలెక్షన్లు సాధిస్తోంది.
కాపీరైట్ చట్టం ప్రకారం…
ఇళయరాజా గతంలోనూ తన పాటల అనుమతి లేకుండా వాడిన పలు సినిమాలకు లీగల్ నోటీసులు ఇచ్చిన సంగతి తెలిసిందే. ఆయన రచనలు స్వతంత్ర సంపదగా పరిగణించబడతాయని, దానికి అనుమతి లేకుండా వాడడం చట్ట విరుద్ధం అనే వాదనతో న్యాయపరంగా ముందుకు వెళ్లారు. ఈ కేసు కూడా ఇప్పుడు అదే తరహాలో తెలుగు సినీ పరిశ్రమలో చర్చనీయాంశంగా మారింది.
తరువాతి పరిణామాలు…
ఇప్పటికే సినిమా విడుదలై రన్ అవుతుండటం, అలాగే పాటల రీ-క్రియేషన్ వెనుక ఉన్న బృందంపై చట్టపరమైన ఒత్తిడులు మొదలవుతున్న నేపథ్యంలో, మైత్రీ మూవీ మేకర్స్ ఇప్పటివరకు ప్రత్యుత్తరంగా స్పందించలేదు. నిబంధనల మేరకు అవతల నుంచి మేడియేషన్, లేదా కోర్ట్ ప్రక్రియ మొదలయ్యే అవకాశం ఉంది.
Also read: