బాలీవుడ్ ప్రముఖ నటుడు, పటౌడీ నవాబు కుటుంబానికి చెందిన (SaifAliKhan) సైఫ్ అలీఖాన్‌కు భారీ ఆస్తుల విషయంలో తీవ్ర ఎదురుదెబ్బ తగిలింది. మధ్యప్రదేశ్ హైకోర్టు తాజాగా ఇచ్చిన తీర్పుతో సైఫ్ కుటుంబానికి చెందిన రూ. 15 వేల కోట్ల విలువైన ఆస్తులు ఇక ప్రభుత్వమే (SaifAliKhan) కబజా చేసుకోనుంది.
25 ఏళ్ల న్యాయపోరాటం – న్యాయస్థానంలో పరాజయం
భోపాల్‌లోని నూర్ ఉస్ సబా ప్యాలెస్, ఫ్లాగ్‌స్టాఫ్ హౌస్, అహ్మదాబాద్ ప్యాలెస్ వంటి విలువైన చారిత్రక భవనాలపై సైఫ్ అలీఖాన్ కుటుంబం గత 25 సంవత్సరాలుగా న్యాయపోరాటం చేస్తోంది. అయితే, ఇవి ‘శత్రు ఆస్తులు’ కిందకి వస్తాయంటూ కేంద్ర ప్రభుత్వం తీసుకున్న నిర్ణయాన్ని సవాలు చేస్తూ వారు వేసిన పిటిషన్‌ను హైకోర్టు కొట్టివేసింది.
వివాదానికి మూలం – పాకిస్తాన్ పౌరసత్వం
ఈ వివాదానికి మూల కారణం, భోపాల్ చివరి నవాబు హమీద్ ఉల్లా ఖాన్ పెద్ద కుమార్తె అబిదా సుల్తాన్ 1947 దేశ విభజన తర్వాత పాకిస్తాన్‌కి వలస వెళ్లడం. ఆమె అక్కడి పౌరసత్వాన్ని స్వీకరించినందున, 1968లో అమలులోకి వచ్చిన శత్రు ఆస్తుల చట్టం ప్రకారం ఆమెకు చెందిన ఆస్తులు భారత ప్రభుత్వానికి చెందుతాయని ప్రభుత్వం పేర్కొంది.
సైఫ్ వాదన – రెండో కుమార్తె హక్కు
అబిదా సుల్తాన్‌కి చెల్లెలు అయిన సాజిదా సుల్తాన్ (సైఫ్ అలీఖాన్ నాయనమ్మ) భారతదేశంలోనే నివసించినందున, వారసత్వ హక్కు ఆమెకే చెందినదని సైఫ్ కుటుంబం వాదించింది. అయితే, హమీద్ ఉల్లా ఖాన్ వ్యక్తిగత ఆస్తులు ఆయనే స్వతంత్రంగా ఉపయోగించారని, అవి వ్యక్తిగతమైనవిగా పరిగణించాల్సిన అవసరం లేదని హైకోర్టు స్పష్టం చేసింది.
ప్రభుత్వమే హక్కుదారి – హైకోర్టు తీర్పు
ఈ ఆస్తులు వ్యక్తిగతం కావు, రాజరిక వ్యవస్థలో భాగంగా ఉన్న భవనాలన్నీ ప్రభుత్వానికి చెందుతాయని, అబిదా సుల్తాన్ పాకిస్తాన్ పౌరురాలిగా మారిన అనంతరం ఇవి శత్రు ఆస్తులుగా పరిగణించవచ్చని తీర్పు వెలువడింది. దీంతో సైఫ్ అలీఖాన్‌కు రూ. 15 వేల కోట్ల విలువైన ఆస్తులు చేజారినట్లయింది.
ఈ తీర్పుతో పటౌడీ కుటుంబానికి చెందిన చారిత్రక భవనాలు, భూములు, తదితర ఆస్తులు భారత ప్రభుత్వం సొంతంగా నిర్వహించనుంది. బాలీవుడ్‌లో పేరు ప్రఖ్యాతులు ఉన్న సైఫ్‌కు ఈ తీర్పు వ్యక్తిగతంగా గట్టి దెబ్బగానే భావించవచ్చు.
Also read: