తెలంగాణలో (Olympics) అంతర్జాతీయ స్థాయి క్రీడలను నిర్వహించే అవకాశాన్ని కల్పించాలని రాష్ట్ర ముఖ్యమంత్రి రేవంత్ రెడ్డి కేంద్రాన్ని కోరారు. క్రీడల అభివృద్ధి, యువత ప్రోత్సాహం, రాష్ట్ర ప్రతిష్ఠ పెంపుకు ఇది అవసరమని తెలిపారు. ఈ మేరకు కేంద్ర క్రీడల మంత్రి మన్‌సుఖ్ మాండవీయను (Olympics) ఇవాళ ఢిల్లీలో కలిసి విజ్ఞప్తి చేశారు.
ఖేలో ఇండియా, జాతీయ క్రీడలు తెలంగాణలో నిర్వహించాలి
సీఎం రేవంత్ రెడ్డి కేంద్ర మంత్రిని కోరిన అంశాల్లో ప్రధానంగా ఖేలో ఇండియా గేమ్స్, 40వ జాతీయ క్రీడలు, ఇతర జాతీయ, అంతర్జాతీయ క్రీడా ఈవెంట్లను తెలంగాణ రాష్ట్రంలో నిర్వహించాలనే అంశం ఉంది. తెలంగాణలో ఉన్న స్పోర్ట్స్ ఇన్‌ఫ్రాస్ట్రక్చర్, యువ క్రీడాకారుల సంఖ్య, గణనీయమైన క్రీడా ఆసక్తి ఈ విధమైన ఈవెంట్లకు అనుకూలంగా ఉంటాయని సీఎం వివరించారు.
2036 ఒలింపిక్స్‌కి ముందుగా సిద్ధం కావాలన్న దృష్టితో
భారతదేశం 2036 ఒలింపిక్స్‌కి ఆతిథ్యం ఇచ్చే అవకాశాన్ని అన్వేషిస్తున్నందున, అందులో భాగంగా రెండు ముఖ్యమైన క్రీడా ఈవెంట్లను తెలంగాణలో నిర్వహించే అవకాశం ఇవ్వాలని సీఎం కోరారు. ఇది తెలంగాణను అంతర్జాతీయ స్థాయిలో పరిచయం చేసే అవకాశమని అభిప్రాయపడ్డారు.
క్రీడాకారులకు శిక్షణా వసతులు, ప్రయాణ రాయితీలు అవసరం
ఖేలో ఇండియా పథకం కింద యువ క్రీడాకారులకు శిక్షణా కేంద్రాలు, ఆధునిక వసతులు కల్పించాలన్న విజ్ఞప్తిని కూడా రేవంత్ రెడ్డి కేంద్ర మంత్రికి తెలిపారు. అంతేకాక జాతీయ స్థాయి క్రీడాకారులకు రైల్వే ప్రయాణంలో రాయితీలు మళ్లీ అమలుచేయాలని సూచించారు. ఇది క్రీడారంగంలో కార్మిక వర్గానికి ఉపశమనం కలిగించడంతోపాటు, రాష్ట్రాల మధ్య సమతుల్యంగా పోటీకి దోహదపడుతుందని వివరించారు.
కేంద్ర జలశక్తి మంత్రితో సమావేశం
ఈ భేటీ అనంతరం సీఎం రేవంత్ రెడ్డి కేంద్ర జలశక్తి మంత్రి సీఆర్ పాటిల్‌ను కూడా కలవనున్నారు. తెలంగాణకు నీటి ప్రాజెక్టుల నిధుల కేటాయింపులు, సాగునీటి విషయంలో వివిధ అంశాలపై చర్చించనున్నారు.
Also read: