పశ్చిమాసియాలో కొనసాగుతున్న ఉద్రిక్త పరిస్థితుల మధ్య, ఇజ్రాయెల్ ప్రధాని Benjamin Netanyahu భారత ప్రధాని (Narendra Modi )తో ఫోన్లో మాట్లాడినట్టు వెల్లడించారు. ఇజ్రాయెల్కు అండగా నిలిచినందుకు (Netanyahu Modi) మోదీకి కృతజ్ఞతలు తెలిపినట్లు ఆయన పేర్కొన్నారు.ఇరాన్ క్షిపణి దాడిలో ఇజ్రాయెల్లోని Beit Shemesh ప్రాంతంలో ఉన్న ఒక సైనగాగ్ ధ్వంసమై తొమ్మిది మంది మరణించిన ఘటనాస్థలిని పరిశీలించిన అనంతరం నెతన్యాహూ ఈ వ్యాఖ్యలు చేశారు. ఈ ఘటన పట్ల తీవ్ర ఆవేదన వ్యక్తం చేసిన ఆయన, ఇజ్రాయెల్ ప్రజలకు భారత్ ఎల్లప్పుడూ మిత్రదేశంగా నిలుస్తోందని తెలిపారు.
భారత్–ఇజ్రాయెల్ మధ్య వాణిజ్యం, రక్షణ, సాంకేతికత, వ్యవసాయం తదితర రంగాల్లో బలమైన సంబంధాలు కొనసాగుతున్నాయని నెతన్యాహూ గుర్తు చేశారు. రెండు దేశాల ప్రజల మధ్య సాన్నిహిత్యం మరింతగా పెరిగిందని, భారత ప్రజలకు ఇజ్రాయెల్లో ప్రత్యేక గౌరవం ఉందని ఆయన అన్నారు.
అదే సమయంలో ఇరాన్ పాలనపై తీవ్ర విమర్శలు గుప్పించిన నెతన్యాహూ, అక్కడి ప్రజలు నియంతృత్వానికి వ్యతిరేకంగా తిరుగుబాటు చేసే పరిస్థితులు సమీపిస్తున్నాయని వ్యాఖ్యానించారు. ఆ సందర్భంలో ఇజ్రాయెల్ మరియు United States కలిసి ఇరాన్ ప్రజలకు మద్దతు అందిస్తాయని చెప్పారు. సంయుక్త దాడులు ప్రారంభమైనప్పటి నుంచి ఇరాన్ ప్రజలు మార్పు కోరుకోవాలని పిలుపునిచ్చినట్లు ఆయన పేర్కొన్నారు.ఇదిలా ఉండగా తాజా దాడుల్లో ఇరాన్ ప్రయోగించిన క్షిపణుల్లో మూడింటిని ముందుగానే ధ్వంసం చేసినట్లు Israel Defense Forces వెల్లడించింది. రక్షణ వ్యవస్థలు సమర్థంగా పనిచేస్తున్నాయని, ప్రమాదాన్ని తగ్గించేందుకు అన్ని చర్యలు తీసుకుంటున్నట్లు తెలిపింది.
ప్రజలకు భద్రతా సూచనలు జారీ చేస్తూ, మొబైల్ అలర్ట్ సందేశాలు వచ్చిన వెంటనే రక్షిత ప్రాంతాలకు వెళ్లాలని ఇజ్రాయెల్ అధికారులు సూచించారు. అత్యవసర పరిస్థితుల్లో అప్రమత్తంగా ఉండటం ప్రాణ రక్షణకు కీలకమని పేర్కొన్నారు.ప్రస్తుతం పశ్చిమాసియాలో పరిస్థితులు ఉద్రిక్తంగా కొనసాగుతున్న నేపథ్యంలో, భారత్–ఇజ్రాయెల్ దౌత్య సంబంధాలు మరింత బలపడుతున్నాయి. ఇరాన్–ఇజ్రాయెల్ ఘర్షణ ప్రభావం అంతర్జాతీయ రాజకీయాలపై పడే అవకాశం ఉందని విశ్లేషకులు భావిస్తున్నారు. ఈ పరిణామాల నేపథ్యంలో ప్రపంచ దేశాల దృష్టి ఈ ప్రాంతంపై నిలిచింది.
Also read: