మలయాళ బ్యూటీ సాయిపల్లవి, స్టార్ హీరో శివ కార్తీకేయన్ జంటగా నటించిన లేటెస్ట్ మూవీ అమరన్(Amaran). రాజ్ కుమార్ పబెరియసామి డైరెక్షన్ లో తెరకెక్కుతున్న ఈ మూవీ ఇండియన్ ఆర్మీ మేజర్ ముకుంద్ వరదరాజన్ బయోపిక్ గా వస్తోంది. దీపావళి కానుకగా రేపు వరల్డ్ వైడ్ గా ప్రేక్షకుల ముందుకు రాబోతోంది. అందుకు సంబంధించిన ప్రమోషన్స్ జరుగుతున్నాయి. కాగా తాజాగా కేరళలో జరిగిన మూవీ(Amaran) ప్రమోషన్స్ లో ఓ అభిమాని అత్యుత్సాహం చూపించాడు. సాయిపల్లవిని సెల్ఫీ ఇవ్వాలని కోరగా అందుకు ఆమె ఒప్పుకుంది. ఆ అభిమాని వద్దకు వస్తున్న క్రమంలోనే అతను తన చేతిలోని మొబైల్ ను ఆమెపైకి విసిరేశాడు. అది కాస్త ఆమె కాళ్ల ముందు పడింది. దీంతో ఆ ఫోన్ విసిరిన అభిమానికి సెల్ఫీ ఇచ్చిన సాయిపల్లవి.. ఇకమీదట ఇలా చేయకు అని కాస్త కోపంగా చెప్పింది. ప్రస్తుతం అందుకు సంబంధించిన వీడియో సోషల్ మీడియాలో తెగ వైరల్ అవుతోంది.
Also Read :