కన్జ్యూమర్(Consumer) ఈజ్ కింగ్” – క్యూఆర్ కోడ్ వివాదంపై సుప్రీం కోర్టు కీలక వ్యాఖ్యలు.
ఇటీవల న్వార్ యాత్ర సందర్భంగా కొన్ని ప్రాంతాల్లో హోటళ్ల వివరాలు ప్రదర్శించే క్యూఆర్ కోడ్ వ్యవస్థపై వివాదం చెలరేగింది. హోటల్ యజమానులు, ఉద్యోగుల సమాచారం కూడా బహిరంగంగా కనిపించడం వల్ల ఇది వ్యక్తిగత గోప్యతకు భంగం కలిగిస్తుందని అభిప్రాయపడిన అపూర్వానంద్ జా, మహువా మోయిత్రా తదితరులు ఈ వ్యవహారాన్ని సుప్రీంకోర్టు దృష్టికి తీసుకువచ్చారు.
ఈ పిటిషన్పై న్యాయమూర్తి జస్టిస్ ఎం.ఎం. సుందరేష్ ధర్మాసనం ఈరోజు విచారణ జరిపింది. విచారణ సందర్భంగా ఆయన చేసిన వ్యాఖ్యలు వినియోగదారుల హక్కుల పరంగా ఎంతో ప్రాధాన్యంగా మారాయి. ‘‘కన్జ్యూమర్ ఈజ్ కింగ్’’, అంటే వినియోగదారుడే రాజు అని స్పష్టం చేసిన కోర్టు, వినియోగదారుడికి పూర్తి సమాచారం తెలుసుకునే హక్కు ఉందని అభిప్రాయపడింది.(Consumer)
కోర్టు తన వ్యాఖ్యల్లో, “ఒక వినియోగదారుడికి, అతను వెళ్తున్న హోటల్లో ఏమి వండుతున్నారు, అక్కడ నాన్వెజ్ వడ్డించారా లేదా అనే విషయాలను తెలుసుకునే అవకాశం ఉండాలి. ఇది వినియోగదారుడి హక్కులో భాగమే,” అని పేర్కొంది. ఇది ముఖ్యంగా ఆహార పరంగా వెజిటేరియన్/నాన్వెజిటేరియన్ ప్రజలు జాగ్రత్తగా నిర్ణయం తీసుకునేందుకు ఉపయోగపడుతుంది.
అయితే, ఇదే సందర్భంలో హోటల్ యజమానులు లేదా వారి ఉద్యోగుల వ్యక్తిగత వివరాలను బహిరంగంగా చూపించాల్సిన అవసరం లేదని కోర్టు స్పష్టం చేసింది. గోప్యత హక్కు కూడా రాజ్యాంగం కల్పించిన ప్రాథమిక హక్కులలో ఒకటైనందున, వ్యక్తిగత సమాచారం రక్షించబడాలి అని కోర్టు అభిప్రాయపడింది.
ఈ తీర్పు వినియోగదారుల హక్కులను బలోపేతం చేస్తూనే, వ్యక్తిగత గోప్యతను కాపాడే దిశగా ఉన్నదని న్యాయవేత్తలు అభిప్రాయపడుతున్నారు. డిజిటల్ సాంకేతికత పెరిగిన ఈ రోజుల్లో, క్యూఆర్ కోడ్ వంటి వ్యవస్థలు సమాచారం అందుబాటులోకి తీసుకురావడంలో ఎంతగానో ఉపయోగపడతాయి. అయితే, వాటి వాడకంలో నైతికత, గోప్యత, మరియు హక్కుల మధ్య సమతుల్యత అవసరం అని ఈ తీర్పు ద్వారా స్పష్టం అయింది.
Also Read :