హైదరాబాద్ (Hyderabad) నగరంలో మళ్లీ ఓ దారుణ ఘటన వెలుగుచూసింది. మియాపూర్ పోలీస్ స్టేషన్ పరిధిలోని నాగార్జున ఎన్క్లేవ్‌లో ఉన్న రఫా రీహాబిలిటేషన్ సెంటర్లో (Hyderabad) జరిగిన హత్య ఘటన స్థానికులను కలవరపరిచింది.
వివరాల్లోకి వెళ్తే, నగరానికి చెందిన సందీప్ (39) అనే వ్యక్తి కొంతకాలంగా డ్రగ్స్‌కు బానిసైపోయాడు. తన వ్యసనం నుండి బయటపడటానికి కుటుంబ సభ్యులు అతన్ని రఫా రీహాబిలిటేషన్ సెంటర్లో చికిత్స కోసం చేర్పించారు. అక్కడే నల్గొండ జిల్లాకు చెందిన సులేమాన్, బార్కస్ ప్రాంతానికి చెందిన ఆదిల్ కూడా మత్తు పదార్థాల వ్యసనం కారణంగా ట్రీట్మెంట్ పొందుతున్నారు.
సాధారణంగా ఇలాంటి రీహాబిలిటేషన్ సెంటర్లలో రోగులు మానసిక స్థితి మారుతూ ఉంటుంది. చిన్నచిన్న విషయాలకే పెద్ద గొడవలు జరిగే అవకాశం ఉంటుంది. అలాంటి పరిస్థితుల్లోనే సెంటర్లో ఈ ముగ్గురి మధ్య ఉద్రిక్తతలు మొదలయ్యాయి. సెంటర్లో జరిగిన చిన్నపాటి వాగ్వాదం పెద్ద గొడవగా మారింది. దాంతో సులేమాన్, ఆదిల్ ఇద్దరూ కలసి సందీప్‌పై దాడి చేశారు. బలమైన దెబ్బలతో అతడు అక్కడికక్కడే ప్రాణాలు కోల్పోయాడు.
ఈ ఘటనతో రీహాబిలిటేషన్ సెంటర్లో కలకలం రేగింది. సిబ్బంది వెంటనే పోలీసులకు సమాచారం అందించారు. మియాపూర్ పోలీసులు అక్కడికి చేరుకుని ఘటనా స్థలాన్ని పరిశీలించారు. సందీప్ మృతదేహాన్ని పోస్టుమార్టం కోసం గాంధీ ఆసుపత్రికి తరలించారు. ఈ ఘటనపై కేసు నమోదు చేసి దర్యాప్తు ప్రారంభించారు. నిందితులను అదుపులోకి తీసుకునే ప్రక్రియ కొనసాగుతోంది.
ఈ హత్యతో రీహాబిలిటేషన్ సెంటర్ల భద్రతపై ప్రశ్నలు లేవుతున్నాయి. మత్తు పదార్థాల వ్యసనం నుండి రోగులను బయటపడే ప్రయత్నం చేసే ఈ కేంద్రాల్లో సెక్యూరిటీ లేమి వల్ల ఇలాంటి సంఘటనలు జరుగుతున్నాయని విమర్శలు వినిపిస్తున్నాయి. “ఇలాంటి సెంటర్లలో కౌన్సెలర్లు, సిబ్బంది కఠిన నిఘా ఉంచకపోతే పరిస్థితి అదుపు తప్పుతుంది. రోగుల మధ్య గొడవలు హత్యల వరకు దారితీస్తాయి” అని నిపుణులు అభిప్రాయపడ్డారు.
సందీప్ మృతి కుటుంబ సభ్యులను తీవ్రంగా కలచివేసింది. మత్తు వ్యసనం కారణంగా చేర్పించిన రీహాబిలిటేషన్ సెంటర్లోనే ప్రాణాలు కోల్పోవడం పెద్ద విషాదమని వారు కన్నీళ్లు మున్నీళ్లు పెట్టుకుంటున్నారు.
ప్రస్తుతం పోలీసులు ఈ కేసును సీరియస్‌గా తీసుకుని, హత్య వెనుక ఉన్న పూర్తి వివరాలు, సెంటర్ నిర్వహణలో నిర్లక్ష్యం ఉందా అన్న అంశాలను కూడా దర్యాప్తు చేస్తున్నారు.
Also read: