మధ్యప్రదేశ్లోని (Indore) నగరంలో ఒక వింత ఘటన వెలుగులోకి వచ్చింది. పొరుగింటి మహిళపై ఆకర్షణకు లోనైన ఓ యువకుడు ఆమెకు చెందిన లోదుస్తులను పదేపదే దొంగిలిస్తూ చివరకు సీసీటీవీ కెమెరాలో చిక్కి పోలీసులకు పట్టుబడ్డాడు. ఈ ఘటన స్థానికంగా చర్చనీయాంశమైంది.
ఈ సంఘటన Chimanganj Mandi పోలీస్ స్టేషన్ పరిధిలో జరిగింది. పోలీసులు తెలిపిన వివరాల ప్రకారం, ఒక కాలనీలో నివసించే మహిళ తన ఇంటి బయట ఆరవేసిన బట్టల్లో నుంచి తరచూ లోదుస్తులు మాత్రమే మాయమవుతున్నాయని గమనించింది. మిగిలిన బట్టలు అలాగే ఉండగా కేవలం ఇన్నర్స్ మాత్రమే కనిపించకుండా పోవడంతో ఆమె కుటుంబ సభ్యులకు అనుమానం వచ్చింది.
ఈ ఘటన వెనుక ఎవరో ఉద్దేశపూర్వకంగా చేస్తున్నారని భావించిన కుటుంబ సభ్యులు ఇంటి చుట్టుపక్కల ఉన్న సీసీటీవీ కెమెరాల దృశ్యాలను పరిశీలించారు. అదే ప్రాంతానికి చెందిన 25 ఏళ్ల యువకుడు (Indore) Amit Malviya ఈ దొంగతనానికి పాల్పడుతున్నట్లు స్పష్టంగా కనిపించింది.
సీసీటీవీ దృశ్యాల్లో అతడు మెల్లగా ఇంటి బయట ఉన్న బట్టల తాడి వద్దకు వెళ్లి మిగతా బట్టలను తాకకుండా కేవలం మహిళకు చెందిన లోదుస్తులను మాత్రమే తీసుకుంటున్నట్లు కనిపించింది. వాటిని జాగ్రత్తగా తన జీన్స్ ప్యాంట్ జేబులో వేసుకుని అక్కడి నుంచి ఎవరూ గమనించకుండా వెళ్లిపోతున్న దృశ్యాలు స్పష్టంగా రికార్డ్ అయ్యాయి.
ఈ ఆధారాలతో బాధితురాలి కుటుంబ సభ్యులు పోలీసులకు ఫిర్యాదు చేశారు. ఫిర్యాదు అందుకున్న వెంటనే చిమన్గంజ్ మండి పోలీసులు కేసు నమోదు చేసి నిందితుడిని అదుపులోకి తీసుకున్నారు. విచారణలో అతడు ఆ మహిళపై ఆకర్షణతో ఇలా చేశానని అంగీకరించినట్లు సమాచారం.
Also read: