Harish rao : మల్లన్న సాగర్ పోదాం పద

మల్లన్న సాగర్ పోదాం పద
సీఎం రేవంత్ కు హరీశ్ సవాల్
సీఎం రేవంత్రెడ్డి సవాల్కు మాజీ మంత్రి, బీఆర్ఎస్ ఎమ్మెల్యే హరీశ్రావు (Harish rao) కౌంటర్వేశాడు. సీఎం రేవంత్రెడ్డి సవాల్ను తాను స్వీకరించడానికి సిద్దంగా ఉన్నట్లుగా ప్రకటించారు. ‘
సెక్యూరిటీ లేకుండా వస్తా అన్నావ్. పోదాం పదా. డేట్, టైం మీరే చెప్పండి, కారు డ్రైవింగ్ చేసుకుంటూ ఇద్దరమే పోదాం. లేదంటే రేపు ఉదయం 9గంటలకు నేను సిద్దం. ఫస్ట్ మూసీ నిర్వాసితుల వద్దకు, ఆ తర్వాత ఆర్అండ్ఆర్ కాలనీ, మల్లన్న సాగర్, రంగనాయక సాగర్ కు మీదకు పోదాం. అక్కడే కూర్చొని బాధితులతో మాట్లాడుదాం. సీఎం సిగ్గు లేకుండా మాట్లాడుతున్నారు. 2013చట్టాన్ని మించిన ప్రయోజనాలు మల్లన్న సాగర్ నిర్వాసితులకు ఇచ్చింది బీఆర్ఎస్ పార్టీ. కాంగ్రెస్ పార్టీ సహాయంతో నేను మంత్రిని అయ్యానని సీఎం అంటుండు. నేను మంత్రిగా ఉన్నప్పుడు నాకు శిష్యుడుగా రేవంత్రెడ్డి ఉన్నాడు. గన్పార్క్ వద్ద నా వెనుక నిక్కి నిక్కి నిలబడ్డావ్. అది నీ చరిత్ర. 2009లో బీఆర్ఎస్ పొత్తులోనే రేవంత్రెడ్డి ఎమ్మెల్యే అయ్యాడు. బీఆర్ఎస్ అంటే నీకు కృతజ్ఞత ఉండాలి కదా. ’ అని హరీశ్రావు (Harish rao) అన్నారు.