బీహార్ రాష్ట్ర రాజకీయాలు మరోసారి ఉత్కంఠభరిత దశలోకి వెళ్లాయి. పలుమార్లు ముఖ్యమంత్రిగా పనిచేసిన జెడీయూ అధినేత నితీశ్ కుమార్ (NitishKumar) మళ్లీ బీహార్ ముఖ్యమంత్రిగా కొనసాగుతున్నారని అధికారికంగా ప్రకటించారు. బీజేపీ రాష్ట్ర అధ్యక్షుడు దిలీప్ జైస్వాల్ ఈ విషయాన్ని స్పష్టం చేశారు. ఎన్డీయే శాసనసభా పక్షం రేపు ఉదయం సమావేశమవుతుందని (NitishKumar) తెలిపారు.
ఈ సమావేశంలో నితీశ్ కుమార్‌ను అధికారికంగా సీఎంగా ఎన్నుకునే ప్రక్రియ పూర్తవుతుంది. అనంతరం వెంటనే ప్రమాణ స్వీకార కార్యక్రమం జరగనున్నట్లు సమాచారం. ఇటీవలి రాజకీయ పరిణామాల నేపథ్యంలో ఈ నిర్ణయం ఎంతో కీలకంగా మారింది.
మరోవైపు, నితీశ్ కుమార్ ఇప్పటికే తన రాజీనామాను బీహార్ గవర్నర్ ఆరిఫ్ మహమ్మద్ ఖాన్‌కు సమర్పించారు.
రాజీనామా ఇచ్చిన వెంటనే కొత్త ప్రభుత్వ ఏర్పాట్లపై ప్రక్రియ వేగంగా మొదలైంది. కొత్త ప్రభుత్వం ఈ నెల 20న అధికారికంగా కొలువుదీరనుంది.
ఈ ప్రమాణ స్వీకార కార్యక్రమానికి పాట్నాలోని చారిత్రక గాంధీ మైదాన్‌ను వేదికగా ఎంచుకున్నారు. భారీ భద్రతా బలగాలు ఈ కార్యక్రమానికి మోహరించనున్నాయి. ప్రమాణ స్వీకారం కోసం ప్రత్యేకమైన ఏర్పాట్లు ఇప్పటికే ప్రారంభమయ్యాయి.
నితీశ్ కుమార్‌తో పాటు కొత్త కేబినెట్‌లో చేరబోయే పలువురు మంత్రులు కూడా అదే రోజున ప్రమాణం చేయనున్నారు.
ఎన్డీయే ప్రభుత్వం ఏర్పడుతున్న నేపథ్యంలో బీజేపీ మంచి సంఖ్యలో కీలక మంత్రిత్వ శాఖలను పొందే అవకాశం ఉంది. జెడీయూ – బీజేపీ కూటమి మరోసారి కలిసి పని చేయనున్న సందర్భం ఇది.
ఈ కార్యక్రమానికి ముఖ్య అతిథిగా ప్రధాని నరేంద్ర మోదీ హాజరు కానున్నారు.అలాగే బీజేపీ పాలిత రాష్ట్రాల ముఖ్యమంత్రులు, కేంద్ర మంత్రులు, జాతీయ స్థాయి నాయకులు కూడా కార్యక్రమానికి హాజరుకానున్నారు. పాట్నాలో భారీ రాజకీయ వాతావరణం నెలకొననుంది.
బీహార్‌లో నితీశ్ కుమార్ చాలా కాలంగా రాజకీయంగా ప్రభావశీల నాయకుడు. అతను పలుమార్లు కూటములను మార్చినప్పటికీ, రాష్ట్ర రాజకీయాలపై అతని ప్రభావం తగ్గలేదు. ఈసారి కూడా ఎన్డీయే కూటమితో కలిసి మరోసారి సారథ్యం చేపడుతున్నారు.
ప్రభుత్వ మార్పు నేపథ్యంలో ప్రజలు కూడా ఆసక్తిగా ఎదురుచూస్తున్నారు. బీహార్ అభివృద్ధిపై ఈ ప్రభుత్వం ఎలా పనిచేస్తుందనే అంశంపై ఉత్కంఠ నెలకొంది. ప్రత్యేకించి ఉద్యోగాలు, విద్య, మౌలిక వసతులపై కొత్త ప్రభుత్వం దృష్టి పెడతుందా అన్న ఆశలు ప్రజల్లో కనిపిస్తున్నాయి.
ప్రమాణ స్వీకారానికి గాంధీ మైదాన్‌లో వేల సంఖ్యలో ప్రజలు, పార్టీ శ్రేణులు రావచ్చని అంచనా. సెక్యూరిటీ కోసం పోలీసులు, పారామిలిటరీ బలగాలు భారీగా మోహరించనున్నాయి. పాట్నాలో ఇప్పటికే ట్రాఫిక్ మార్గాలు మార్చి ప్రత్యేక ఏర్పాట్లు చేశారు.
ఇక ఎన్డీయే ప్రభుత్వం ఏర్పడటం వల్ల బీహార్‌లో మళ్లీ రాజకీయ స్థిరత్వం వస్తుందని బీజేపీ నేతలు చెబుతున్నారు.
ఇదే సమయంలో ప్రతిపక్షం మాత్రం ఈ పరిణామాలపై విమర్శలు చేస్తోంది.
మొత్తం మీద బీహార్ కొత్త ప్రభుత్వం ఏర్పాటుకు సిద్ధమవుతోంది.మళ్లీ నితీశ్ కుమార్ నాయకత్వం రాష్ట్ర రాజకీయాల్లో కీలకమై మారింది.
Also read: