డార్లింగ్ స్టార్ ప్రభాస్ (Prabhas) అభిమానులకు ఈ నెల 23వ తేదీ పండగే. ఎందుకంటే ఆయన బర్త్‌డే సందర్భంగా ఫ్యాన్స్‌కి ట్రిపుల్ ట్రీట్ సిద్ధంగా ఉంది. ప్రస్తుతం (Prabhas) ప్రభాస్ హీరోగా నటిస్తున్న ‘ది రాజా సాబ్’ సినిమా షూటింగ్ దాదాపు పూర్తయింది. ప్రస్తుతం గ్రీస్‌లో పాటల చిత్రీకరణ జరుగుతోంది. ఈ సినిమాను సంక్రాంతి స్పెషల్‌గా జనవరి 9న రిలీజ్ చేయాలని మేకర్స్ ప్లాన్ చేస్తున్నారు.
మొదటి సర్‌ప్రైజ్:
ప్రభాస్ పుట్టినరోజు సందర్భంగా ‘ది రాజా సాబ్’ ఫస్ట్ సింగిల్ విడుదల కానుంది. ఈ పాటలో ప్రభాస్ లుక్, స్టైల్, ఎనర్జీని గ్రాండ్‌గా చూపించనున్నారని సమాచారం.
రెండో సర్‌ప్రైజ్:
హను రాఘవపూడి దర్శకత్వంలో ప్రభాస్ నటించనున్న కొత్త సినిమా ‘ఫౌజీ’ గురించి టీజర్ అప్‌డేట్ రానుంది. ఈ చిత్రాన్ని మైత్రి మూవీ మేకర్స్ నిర్మిస్తున్నారు. పుట్టినరోజు రోజునే ‘ఫౌజీ’ టైటిల్ రివీల్ వీడియో రిలీజ్ చేయనున్నారు.
మూడో సర్‌ప్రైజ్:
ప్రభాస్ కెరీర్‌లో మైలురాయి అయిన ‘బాహుబలి’ సినిమా మళ్లీ పెద్ద తెరపైకి రాబోతోంది. రెండు భాగాలను రీ-ఎడిట్ చేసిన ‘బాహుబలి: ది ఎపిక్’ వెర్షన్ అక్టోబర్ 31న ప్రీమియం ఫార్మాట్లలో రిలీజ్ కానుంది. దీని ట్రైలర్‌ను ప్రభాస్ బర్త్‌డే రోజునే విడుదల చేయనున్నారు.
అంటే ఈసారి ప్రభాస్ పుట్టినరోజు ఫ్యాన్స్‌కి మామూలు కాదుగా!
సింగిల్, టైటిల్ రివీల్, బాహుబలి ట్రైలర్ — ఇలా ప్రభాస్ అభిమానులు ఫుల్ ఫెస్టివల్ మూడ్‌లోకి వెళ్లనున్నారు.
Also read:
- Diwali: ధన త్రయోదశి రోజున ఈ వస్తువులు కొనవద్దు!
- High Court: ఎన్నికలు ఎప్పుడు పెడతారు? తెలంగాణ ప్రభుత్వం