పాకిస్తాన్కు అంతర్జాతీయంగా మరో అవమానం ఎదురైంది.సౌదీ అరేబియా (Saudi Arabia) భారీ చర్యలకు దిగింది.ఏకంగా 24 వేల మంది పాకిస్తానీ యాచకులను దేశం నుంచి బహిష్కరించింది.(Saudi Arabia) సౌదీ అరేబియాలో భిక్షాటన ద్వారా జీవనోపాధి పొందుతున్నారనే ఆరోపణలతో ఈ చర్యలు చేపట్టింది.కొంతమంది యాచకులు నేర కార్యకలాపాలకు పాల్పడుతున్నారని సౌదీ అధికారులు వెల్లడించారు.ఇది దేశ భద్రతకు ముప్పుగా మారిందని పేర్కొన్నారు.
గత కొంతకాలంగా సౌదీలో పాకిస్తానీ యాచకుల సంఖ్య పెరిగిపోయిందని అధికారులు గుర్తించారు.ప్రధానంగా మక్కా, మదీనాల వంటి పవిత్ర స్థలాల చుట్టూ భిక్షాటన చేస్తున్నారని తెలిపారు.ఉమ్రా వీసాలను దుర్వినియోగం చేసి యాచకులుగా మారుతున్నారని ఆరోపించారు.ఈ నేపథ్యంలో సౌదీ ప్రభుత్వం కఠిన చర్యలు తీసుకుంది.
అనుమానాస్పదంగా ఉన్న పాకిస్తానీ పౌరులను గుర్తించి దేశం నుంచి పంపించింది.ఈ సంఖ్య 24 వేల వరకు చేరిందని సమాచారం.
ఇదే సమయంలో యునైటెడ్ అరబ్ ఎమిరేట్స్ కూడా అప్రమత్తమైంది.పాకిస్తానీ పౌరులపై యూఏఈ వీసా ఆంక్షలు విధించింది.గల్ఫ్ దేశాల్లోకి ప్రవేశించిన తర్వాత కొంతమంది పాకిస్తానీలు నేరాలకు పాల్పడుతున్నారని వెల్లడించింది.ఈ విషయంపై పాకిస్తాన్ ఫెడరల్ ఇన్వెస్టిగేషన్ ఏజెన్సీ నివేదిక వెలువడింది.ఈ నివేదిక గల్ఫ్ దేశాల్లోని పరిస్థితులను స్పష్టంగా వివరించింది.బెగ్గింగ్ నెట్వర్క్లు పాకిస్తాన్ ప్రతిష్టను తీవ్రంగా దెబ్బతీస్తున్నాయని పేర్కొంది.
ఈ నివేదికపై ఎఫ్ఐఏ డైరెక్టర్ జనరల్ రిఫాత్ ముక్తార్ స్పందించారు.యాచకుల ముఠాలు దేశానికి చెడ్డ పేరు తీసుకొస్తున్నాయని అన్నారు.వాటిని నియంత్రించాల్సిన అవసరం ఉందని స్పష్టం చేశారు.
ఇప్పటికే పాకిస్తాన్లో 66 వేల మంది యాచకులను గుర్తించినట్లు ఆయన తెలిపారు.వీరిలో చాలా మంది విదేశాలకు వెళ్లి భిక్షాటన చేస్తున్నారని వెల్లడించారు.మానవ అక్రమ రవాణా ముఠాలు వీరిని ఉపయోగించుకుంటున్నాయని చెప్పారు.సౌదీ అరేబియా మాత్రమే కాకుండా ఇతర దేశాలు కూడా చర్యలు తీసుకున్నాయని ఎఫ్ఐఏ వెల్లడించింది.
దుబాయ్ నుంచి సుమారు 6 వేల మంది పాకిస్తానీ యాచకులను వెనక్కి పంపారని తెలిపారు.అజర్బైజాన్ కూడా 2,500 మంది పాకిస్తానీ యాచకులను బహిష్కరించిందని చెప్పారు.
పవిత్ర యాత్రల పేరుతో విదేశాలకు వెళ్లి భిక్షాటన చేయడం తీవ్ర నేరమని ఆయన అన్నారు.ఇలాంటి చర్యలు దేశ ప్రతిష్టను అంతర్జాతీయంగా దిగజారుస్తాయని హెచ్చరించారు.గల్ఫ్ దేశాలు తీసుకుంటున్న ఈ కఠిన నిర్ణయాలతో పాకిస్తాన్ ప్రభుత్వంపై ఒత్తిడి పెరుగుతోంది.దేశంలో నిరుద్యోగం, పేదరికం పెరగడమే దీనికి ప్రధాన కారణమని విశ్లేషకులు అంటున్నారు.భవిష్యత్తులో మరిన్ని దేశాలు కూడా పాకిస్తానీ పౌరులపై ఆంక్షలు విధించే అవకాశముందని అభిప్రాయం వ్యక్తమవుతోంది.
ఈ ఘటన పాకిస్తాన్కు గట్టి హెచ్చరికగా మారిందని అంతర్జాతీయ వర్గాలు భావిస్తున్నాయి.
Also read: