నిన్న రాత్రి కురిసిన అకాల వర్షం హైదరాబాద్ (Hyderabad floods) నగరాన్ని ముంచెత్తింది. కొన్ని గంటలపాటు కురిసిన భారీ వర్షానికి రోడ్లు, వీధులు చెరువుల్లా మారిపోయాయి. ట్రాఫిక్ స్తంభించిపోయింది. వాహనదారులు ఇరుక్కుపోయారు. (Hyderabad floods) పలు చోట్ల నీటి ప్రవాహం అంత ఉధృతంగా ఉండటంతో, బైకులు, కార్లు ఆగిపోవడం, కొన్నిసార్లు ప్రవాహానికి గురై కొట్టుకుపోవడం కనిపించింది.
ఇలాంటి సమయంలో ఒక యువకుడు తన బైక్‌తో వెళ్తూ, ఆకస్మాత్తుగా మోకాలి లోతు వరద నీటిలో ఇరుక్కుపోయాడు. చుట్టూ ఎవరూ సహాయం చేయలేని పరిస్థితి. ఆ ప్రవాహం మరింత పెరిగితే ప్రాణాపాయం తథ్యం. సహాయం కోసం ఎదురు చూస్తున్న ఆ వ్యక్తి ఊహించని విధంగా ప్రాణరక్షకులను కలుసుకున్నాడు. ఆహారం మాత్రమే కాకుండా ప్రాణాలను కూడా “డెలివరీ” చేసిన వారు – స్విగ్గీ, జొమాటో డెలివరీ బాయ్స్.
ఆ సంఘటనలో ఇద్దరు డెలివరీ బాయ్స్ తమ బైకులను ఒకవైపు ఆపి, ఆ వ్యక్తి దగ్గరికి చేరుకున్నారు. వరద ప్రవాహంలో ఇరుక్కుపోయిన బైక్‌ను గట్టిగా పట్టుకుని లాగి బయటకు తీశారు. వీడియోలో వారు చూపిన ధైర్యం చూసి సోషల్ మీడియాలో వేలాది మంది ప్రశంసిస్తున్నారు. “ఈ వర్షంలో ఆహారం మాత్రమే కాదు, ప్రాణాలను కూడా డెలివరీ చేశారు” అంటూ ఆ వ్యక్తి తన సోషల్ మీడియా పోస్ట్‌లో రాశాడు.
వీడియోలో కనిపించిన మరో విశేషం – అక్కడికి వచ్చిన కొంతమంది బైక్ రైడర్లు ఆ ప్రవాహం తీవ్రతను గమనించి వెనక్కి తిరిగారు. కానీ డెలివరీ బాయ్స్ మాత్రం వెనుకాడలేదు. వారు తమ ప్రాణాల గురించి ఆలోచించకుండా, ముందుకొచ్చి సహాయం చేశారు. ఇది గిగ్ వర్కర్ల వృత్తి ధైర్యానికి, సమాజం పట్ల ఉన్న బాధ్యతకు నిదర్శనం.
ఈ ఘటన వెలుగులోకి రాగానే నెటిజన్లు ఆ డెలివరీ బాయ్స్‌ను హీరోలుగా సంబోధిస్తున్నారు. “జీవితాన్ని కాపాడే హీరోలు మీరు” అని కృతజ్ఞతలు తెలుపుతున్నారు. “డబ్బు కోసం ఆహారం డెలివరీ చేసే వాళ్లు, ఇలాంటి పరిస్థితుల్లో ప్రాణాలు కూడా కాపాడగలరని నిరూపించారు” అని కామెంట్స్ చేస్తున్నారు.
హైదరాబాద్ వంటి మెట్రో నగరాల్లో వర్షాలు, వరదలు తరచూ ఇబ్బందులు సృష్టిస్తున్నాయి. ఈ నేపథ్యంలో డెలివరీ బాయ్స్ ఎల్లప్పుడూ ప్రజలతో నేరుగా మమేకమై పని చేస్తున్నారు. ఆహారం చేరవేయడమే కాకుండా, అవసరమైతే ప్రాణాలను కాపాడగలరని ఈ సంఘటన మరోసారి గుర్తు చేసింది.
ఈ ఘటన తర్వాత సోషల్ మీడియాలో డెలివరీ బాయ్స్‌పై ప్రజల గౌరవం మరింత పెరిగింది. కష్టకాలంలో సహాయం చేసే వారు నిజమైన హీరోలని, సమాజానికి అజ్ఞాత యోధులని అనేకమంది పేర్కొంటున్నారు.
Also read: