టాలీవుడ్లో చాలాకాలంగా చర్చనీయాంశంగా మారిన విజయ్ దేవరకొండ, రష్మిక మందన్నల పెళ్లి వార్తలు మరోసారి హాట్ టాపిక్గా మారాయి(Udaipur). ఈసారి మాత్రం కేవలం ఊహాగానాలు కాదు, వివాహం, రిసెప్షన్ తేదీలు ఫిక్స్ అయ్యాయన్న సమాచారం సినీ వర్గాల్లో జోరుగా వినిపిస్తోంది. అందుతున్న సమాచారం ప్రకారం, విజయ్ దేవరకొండ – రష్మికల వివాహం ఈ నెల 26న రాజస్థాన్లోని ఉదయ్పూర్లో ఉన్న ఓ చారిత్రాత్మక కోటలో అత్యంత వైభవంగా జరగనుందని తెలుస్తోంది. రాజ కుటుంబాల వివాహాలకు పేరుగాంచిన ఉదయ్పూర్లో ఈ పెళ్లి జరగడం మరింత ప్రత్యేకతను సంతరించుకుంది.
ఈ వివాహ వేడుకను అత్యంత ప్రైవేట్గా నిర్వహించాలని ఇరువురు నిర్ణయించుకున్నారని టాక్. కేవలం కుటుంబ సభ్యులు, అత్యంత సన్నిహితులు మాత్రమే ఈ పెళ్లికి హాజరవుతారని సమాచారం. భారీ హడావిడి, మీడియా సందడి లేకుండా సంప్రదాయబద్ధంగా పెళ్లి జరిపించాలన్న ఆలోచనతోనే ఈ ఏర్పాట్లు చేస్తున్నట్లు సినీ వర్గాలు చెబుతున్నాయి. ఉదయ్పూర్లోని ఆ చారిత్రాత్మక కోటను ఇప్పటికే ప్రత్యేకంగా బుక్ చేసినట్లు, డెకరేషన్, భద్రత, అతిథుల వసతి ఏర్పాట్లు కూడా దాదాపు పూర్తయ్యాయని వినిపిస్తోంది.(Udaipur)
పెళ్లి అనంతరం నూతన దంపతులు నేరుగా హైదరాబాద్కు రానున్నారని సమాచారం. మార్చి 4న హైదరాబాద్లోని ఓ ప్రముఖ కన్వెన్షన్ సెంటర్లో గ్రాండ్ వెడ్డింగ్ రిసెప్షన్ నిర్వహించనున్నట్లు టాలీవుడ్లో జోరుగా ప్రచారం సాగుతోంది. ఈ రిసెప్షన్ మాత్రం పెళ్లికి భిన్నంగా భారీ స్థాయిలో ఉండబోతోందని అంటున్నారు. టాలీవుడ్తో పాటు బాలీవుడ్, కోలీవుడ్ నుంచి కూడా ప్రముఖులు పెద్ద సంఖ్యలో హాజరుకానున్నారని సమాచారం. ఇప్పటికే ప్రముఖ నటులు, దర్శకులు, నిర్మాతలు, రాజకీయ ప్రముఖుల జాబితాను సిద్ధం చేస్తున్నారని టాక్.
రిసెప్షన్ కోసం ప్రత్యేకంగా థీమ్ డెకరేషన్, అంతర్జాతీయ స్థాయి కేటరింగ్, లైవ్ మ్యూజిక్ కార్యక్రమాలను ప్లాన్ చేస్తున్నారని వినిపిస్తోంది. విజయ్ దేవరకొండ, రష్మిక ఇద్దరూ తమ తమ సినీ కెరీర్లో టాప్ స్టేజ్లో ఉన్న సమయంలో ఈ వేడుక జరగనుండటంతో అభిమానుల్లో ఆసక్తి పీక్స్కు చేరుకుంది. సోషల్ మీడియాలో ఇప్పటికే పెళ్లి డేట్స్, వేదికల గురించి చర్చలు ఊపందుకున్నాయి.
ఇప్పటికే ఆహ్వాన పత్రికలు కూడా సిద్ధమయ్యాయని, మంచి రోజు చూసి కార్డుల పంపిణీ ప్రారంభిస్తారని సినీ వర్గాల్లో టాక్ నడుస్తోంది. అయితే ఈ వార్తలపై ఇప్పటివరకు విజయ్ దేవరకొండ గానీ, రష్మిక గానీ అధికారికంగా స్పందించలేదు. అయినప్పటికీ తేదీలు, వేదికల వివరాలతో సహా వరుసగా లీక్ అవుతున్న సమాచారంతో అభిమానుల్లో క్యూరియాసిటీ మరింత పెరుగుతోంది.
గత కొన్నేళ్లుగా విజయ్ – రష్మికల మధ్య స్నేహం, ఆపై ప్రేమాయణం సాగుతోందన్న ప్రచారం నిత్యం వార్తల్లో నిలుస్తూనే ఉంది. ఇద్దరూ కలిసి నటించిన సినిమాల నుంచి మొదలైన ఈ బంధం వ్యక్తిగత జీవితానికి చేరిందన్న టాక్ చాలా కాలంగా వినిపిస్తోంది. ఇప్పుడు పెళ్లి డేట్స్ ఫిక్స్ అయ్యాయన్న వార్తలు రావడంతో ఈ గాసిప్లు నిజమయ్యే దిశగా అడుగులు పడుతున్నాయని అభిమానులు భావిస్తున్నారు. అధికారిక ప్రకటన వస్తే మాత్రం టాలీవుడ్లో ఇది అతిపెద్ద సెలబ్రిటీ వెడ్డింగ్గా నిలవనుందని చెప్పడంలో సందేహం లేదు.
Also Read :