రాజకీయాల్లో పలు విజయాలు అందుకున్న కేంద్ర హోంశాఖ సహాయ (Karimnagar) మంత్రి బండి సంజయ్ కుమార్, తన వ్యక్తిగత జీవితంలో కీలకమైన ముందడుగు వేసారు. తొలిసారిగా స్వంత ఇంటిని కొనుగోలు చేసి తన కలను నిజం చేసుకున్నారు. సుదీర్ఘ కాలంగా ప్రజాసేవలో కొనసాగుతూ, కార్పొరేటర్గా రెండు సార్లు, ఎంపీగా రెండు సార్లు గెలిచిన బండి సంజయ్ ప్రస్తుతం కేంద్ర మంత్రిగా దేశానికి సేవలందిస్తున్నారు. (Karimnagar) అయితే ఇప్పటివరకు ఆయన పేరుపై ఒక్క ఇంటి కూడా లేకపోవడం ఆశ్చర్యానికి గురిచేసింది.
బండి సంజయ్ కుటుంబం ఇప్పటివరకు కరీంనగర్లోని తన అత్తమ్మ ఇంటిలో నివాసం ఉంటుంది. రాజకీయంగా ఎన్నో విజయాలు సాధించిన ఆయనకు వ్యక్తిగతంగా స్వంత ఇల్లు లేకపోవడాన్ని అనేకమంది ఆశ్చర్యంగా చూశారు. అయితే తాజాగా కరీంనగర్ ఎంపీ కార్యాలయం సమీపంలో ఉన్న రెండు గుంటల స్థలం కలిగిన ఒక పాత నివాసం అమ్మకానికి రావడంతో, దానిని రూ.98 లక్షల ధరకు కొనుగోలు చేశారు.
ఈ కొనుగోలులో పెద్ద భాగాన్ని బ్యాంక్ లోన్ ద్వారా నిర్వహించారు. రూ.98 లక్షల మొత్తం విలువలో రూ.85 లక్షల వరకు బండి సంజయ్ ఎస్బీఐ బ్యాంక్ నుంచి లోన్ తీసుకున్నారు. గమనార్హంగా, ఆయన భార్య అపర్ణ ఎస్బీఐలో అధికారిగా పని చేస్తుండటం వల్ల ఈ లోన్ ప్రక్రియ సులభంగా పూర్తయింది. బ్యాంకు ద్వారా లోన్ సొమ్ముతో ఇంటిని సొంతం చేసుకోవడం రాజకీయాల్లో ఉన్న ఆయన అభివృద్ధి ప్రయాణానికి వ్యక్తిగత స్థాయిలో మరో కీలక ఘట్టంగా చెప్పుకోవచ్చు.
ఈ ఇంటి రిజిస్ట్రేషన్ ప్రక్రియను పూర్తిచేయడానికి జూన్ 23వ తేదీన బండి సంజయ్ కరీంనగర్ సబ్ రిజిస్ట్రార్ కార్యాలయానికి స్వయంగా విచ్చేసారు. అక్కడ అధికారుల సమక్షంలో ఇంటి రిజిస్ట్రేషన్ పత్రాలను స్వీకరించారు. ఈ సందర్భంగా స్థానికులందరూ ఆయనకు శుభాకాంక్షలు తెలిపారు. చాలాకాలం తర్వాత ఆయనకు స్వంత ఇల్లు లభించడం ఆనందంగా ఉందని పలువురు ప్రజలు అభిప్రాయపడుతున్నారు.
ఇల్లు కొనుగోలు చేసిన విషయం రాజకీయ పరంగా కాకుండా సామాన్యుల అభిమానం చాటే విధంగా ఉంది. మానవీయ కోణంలో ఇది భావోద్వేగాలకు లోనయ్యే ఘట్టంగా చెప్పవచ్చు. ఇప్పటివరకు ప్రజల కోసం రాజకీయంగా సమయం వెచ్చించిన బండి సంజయ్, స్వయంగా తనకు చిన్న ఇల్లు కొనుగోలు చేయడం అతని నిజమైన సామాన్యవాదాన్ని సూచిస్తుంది.
Also read: