రైతులకు నష్టాలు రాకుండా ప్రభుత్వం మరింత ముందడుగు వేసింది. (Thummala) రాష్ట్రవ్యాప్తంగా రైతుల ప్రయోజనార్థం మొక్కజొన్న (మక్క) పంటకు ప్రభుత్వం క్వింటాల్‌కు రూ. 2,400 మద్దతు ధరను ప్రకటించింది. ఈ నిర్ణయాన్ని రాష్ట్ర వ్యవసాయ మంత్రి (Thummala) తుమ్మల నాగేశ్వరరావు ప్రకటించారు.
మంత్రి మాట్లాడుతూ, “రైతులకు నష్టాలు వాటిల్లకుండా ప్రభుత్వం పంట కొనుగోళ్లలోకి దిగింది. కేంద్రం సహకరించకపోయినా, రాష్ట్ర ప్రభుత్వమే మార్క్ఫెడ్ ద్వారా మక్క పంటను కొనుగోలు చేయనుంది,” అని తెలిపారు.
ప్రస్తుతం మార్కెట్‌లో మక్క ధర క్వింటాల్‌కు రూ. 1,959 మాత్రమే ఉందని, ఈ ధర రైతులకు నష్టదాయకమని మంత్రి చెప్పారు. అందుకే ప్రభుత్వం ప్రతి క్వింటాల్‌పై రూ. 441 అదనపు మద్దతు ఇచ్చే నిర్ణయం తీసుకుందని వివరించారు.
రాష్ట్రవ్యాప్తంగా ఈ సీజన్‌లో 6.24 లక్షల ఎకరాల్లో మొక్కజొన్న సాగు జరిగింది. సగటున ఎకరాకు 18.5 క్వింటాళ్ల దిగుబడి వచ్చే అవకాశం ఉందని తెలిపారు. మొత్తం మీద 11.56 లక్షల మెట్రిక్ టన్నుల ఉత్పత్తి లభిస్తుందని అంచనా వేసారు. అందులో 8.66 లక్షల మెట్రిక్ టన్నులను మద్దతు ధరకు ప్రభుత్వం కొనుగోలు చేయనుంది.
ఈ కొనుగోలు కార్యక్రమానికి సుమారు రూ. 2,400 కోట్లు వ్యయం అవుతుందని మంత్రి వెల్లడించారు. రైతుల పంట మార్కెట్‌లోకి ఎక్కువగా వచ్చే అక్టోబర్ రెండో వారం నుంచి కొనుగోళ్లు ప్రారంభమవుతాయని తెలిపారు.
రైతులు తమ పంటను మార్క్ఫెడ్ ఏర్పాటు చేసిన కొనుగోలు కేంద్రాలకు తీసుకెళ్లాలని మంత్రి సూచించారు. అలాగే ప్రైవేట్ వ్యాపారులకు తక్కువ ధరలకు అమ్మకాలు చేయకుండా, ప్రభుత్వం ప్రకటించిన మద్దతు ధరను వినియోగించుకోవాలని రైతులను కోరారు.
మంత్రి తుమ్మల నాగేశ్వరరావు మాట్లాడుతూ, “మా ప్రభుత్వం రైతుల వెన్నంటి నిలబడుతుంది. మార్కెట్‌లో ధరలు పడిపోకుండా, రైతులు తగిన లాభం పొందేలా చర్యలు తీసుకుంటున్నాం. ఇది కేవలం మక్కపంటకే కాదు, ఇతర పంటలకూ వర్తించే విధానానికి ఆరంభం” అని అన్నారు.
ఈ నిర్ణయంతో రైతులు ఊపిరి పీల్చుకున్నారు. మార్కెట్ ధర కంటే ఎక్కువ మద్దతు ధరను అందించడం రైతులకు ఆర్థిక రక్షణ కల్పించనుంది.
Also read: